Ioera 3:14 - Te B'aib'ara

¹⁴ A kaona te M'arua are Te Motikitaeka aomata aika m'aiti. E na roko ana bong n ana Motikitaeka te UEA n te tai ae e aki maan ikai

Ioera 3:14 ပူးပေါင်းရင်းမြစ်များ

Taian Areru 37:13

Ma E ngareakiniia akana buakaka te UEA; b'a E ataa ae a nang kamaunaki.

Itaia 13:4

Ongora nakoia koraki n aomata aika a kakarongoa i aon taiani maunga! A ikoti aia taanga ni buaka taian abanuea, ao taian botannaomata E a bootia taanga ni buaka te UEA ae Moan te M'aaka i bukin te buaka.

Itaia 22:1

Aio te rongorongo i bukin te M'arua are Kaotioti. E aera ngkai kam karaoa te bootaki ni kukurei i aon taubukin ami auti aika a booraoi?

Ioera 1:15

Ti a reke n te kaangaanga! E nang karokoa te kabuanib'ai te UEA are Moan te M'aaka n te tai ae e aki maan.

Ioera 2:1

Katanga te bu i aon Tion are ana tabuki ae e tabu te UEA. Kauringiia aomata nako b'a a na ruru ni maaku! E nang roko ana bong ni motikitaeka te UEA n te tai ae e aki maan.

Ioera 2:11

E kairiia te taanga ni buaka aei te UEA ae te Atua ae e aki konaa ni warekaki, ao a ongotaeka nakon ana kaetieti. E rangi ni kakamaaku ana bong ni motikitaeka n te aro are akea ae e konaa moana.

Ioera 3:12

Kam na iri ngkai nakon te M'arua are Motikitaeka, ike E na motikitaekaia iai te UEA botannaomata nako aika i rarikira.

Ioera 3:2

N na manga ikotiia botannaomata ake a kamaaenakoia au Aomata n taabo nako n te aonnaba n te M'arua are Motikitaeka A na tib'a abau

Teb'ania 1:14

E a kaan ana bong te UEA, e a rangi ni kaan, ao e rangi ni waekoa! Te bong ae moan te kakamaaku n te aro are e na bon rotaki naba iai te tautia ae moan te ninikoria.

I-Biribi 3:2

Kam na kawakiningkami mairouia te koraki aika karaoi baika bubuaka, aika te koraki aika ai aroia kamea, aika tangira te rab'ata b'a e na kaikoakaki ni korokoreaki.

2.Betero 3:7

Ma karawa ma aon te aba aika iai ngkai a kawakinaki naba n ana taeka te Atua b'a kanaan te ai. A kawakinaki ni karokoa te bong are a na motikaki iai taekaia aomata aika akea reitakiia ma te Atua ao a na kamateaki.