Ioera 2:31 - Te B'aib'ara

³¹ E na okirikaki taai n rotongitong, ao nam'akaina e na uraura kaanga te raraa i m'aain kaotin te bong are e rangi ni kakamaaku arei.

Ioera 2:31 ပူးပေါင်းရင်းမြစ်များ

Etekiera 32:7

N na kaona karawa ni kabutaa ma taian itoi n taian nang aika a matenten, b'a a aonga n toki ootan taai ma nam'akaina.

Ioera 2:1

Katanga te bu i aon Tion are ana tabuki ae e tabu te UEA. Kauringiia aomata nako b'a a na ruru ni maaku! E nang roko ana bong ni motikitaeka te UEA n te tai ae e aki maan.

Ioera 2:10

E ruru te aonnaba irouia ao e m'aioio taiani karawa; a manga okirikaaki taai ma nam'akaina, ao a toki otan taian itoi.

Ioera 2:11

E kairiia te taanga ni buaka aei te UEA ae te Atua ae e aki konaa ni warekaki, ao a ongotaeka nakon ana kaetieti. E rangi ni kakamaaku ana bong ni motikitaeka n te aro are akea ae e konaa moana.

Ioera 2:2

E na roo ao ni kananokawaki ma nangin te buaka i aora. A na kaona aon te maunga nako te taanga ni buaka kaanga ai aron nangin buakan karawa. Bon akea te taanga ni buaka ae e korakora ae e a tia n ikotaki mai m'aaina ke ae e na manga ikotaki rimwi.

Ioera 3:1

N te tai anne, N na manga kaoka marin Iuta ma Iteraera ngai ae te UEA.

Ioera 3:15

e na akea ootan taai ke nam'akaina, ao a na toki raneanean taian itoi.

Tekaria 14:6

E na riki b'a te bong ae e raneanea ae e na aki manga nubono,

Maraki 4:1

E na bon roko te bong ni motikitaeka. Ao e na riki b'a kaanga te ai ae e korakora ae kabuebue ma urana ae e kab'atataia aomata aika a kainikatonga ao aikai taani bure, b'a kaanga ai aron te b'ariko n uteute. Bon akea m'angana ke wakaana ae na tiku. Bon aei au taeka Ngai ae te UEA ae Moan te M'aaka’

Maraki 4:5

I berita Ngai ae te UEA b'a N na kanakoa te burabeti are Eria i m'aain rokon te bong ae e rangi ni kakamaaku anne.

Mataio 24:29

I mwin naba te rawawata ni boong akanne, ao e na karooaki ootan taai, ao a na akea ootana; ao nam'akaina e na aki oota, ao ane a na b'aka itoi mai karawa, ao m'aaka ake a mena i karawa a na bitaki man aroaroia.

Mataio 27:45

Ngke e a tawanou, ao e roo aon te aba ni kabane ni karokoa te aoa tenua n te tanimaeaontaai.

Ruka 21:25

Ao ane a na riki baika kamimii nakon taai ma nam'akaina ma itoi; ao ane a na bane aaba nako i aonnaba ni bua aia kaantaninga n rurungaani marawa ma naao.

M'akuri 2:20

E na riki n roo taai, ao e na turubaka n uraura nam'akaina, i m'ain rokon ana bong te UEA are kakannato are kakamaaku.

Te Kaotioti 8:12

Ngke e katanga ana bu te anera are te kaaman, ao e uruaki kateni-m'akoron taai, ma kateni-m'akoron nam'akaina, ma kateni-m'akoron itoi; b'a e aonga ni karooaki kateni-m'akoroia, ao b'a e aonga n aki oota kateni-m'akoron te ngaina, ao ai aron naba te bong.