Ioera 2:28 - Te B'aib'ara

²⁸ Rimwi riki, N na anga Tamneiu nakoia aomata nako. A na riki ni burabeti natimi m'aane ma natimi aine. A na mii taiani mii ami unim'aane, a na noori taiani kaotioti ami rorobuaka n ataei.

Ioera 2:28 ပူးပေါင်းရင်းမြစ်များ

Taeka n Rabakau 1:23

Ongora ngkana I boaingkami ma n tuangkami te b'ai ae I iangoia.

Itaia 32:15

Ngkae ti anganaki te Tamnei mai karawa ao a na riki b'a taian m'akoro n aba aika a on n taian aroka aika iai uaaia. aika a nimatenten aroka iai.

Itaia 40:5

Ao i mwiina, ane e na kaoti mimitongin te UEA b'a e aonga n nooraki. E a tia te UEA ni berita i bukin aei!”

Itaia 44:3

N na kakab'aia te aba ae e m'autakataka ni kanakoa taiani karaanga n ran, N na kakab'aia ami kariki n anganiia Tamneiu

Itaia 49:26

E na karaoia aomata aika a iowawaa aikai b'a a na bon kana irikoia ao a na mooi boni man raraaia. Ao ane a na ataai aomata nako b'a bon ara Tia kamaiu te UEA; Atuan Iteraera ae Moan te M'aaka are e kamaiuia ana aomata.

Itaia 49:6

Ao ngkai E taku te UEA nako iu “E aki tau nakoim am m'akuri ae ti au toro ngkoe. Ko na riai naba ni karaoa ae e m'aiti riki nakon anne ni kaokiia ake nikira ni maiu man barongan nako Iteraera. I a tia ni kaakiko ikai b'a kaanga te taura i bukiia botannaomata nako; ko na riai n anaa m'aakau ni kakamaiu nakoia aomata nako n te aonnaba.”

Itaia 54:13

N na reireiniia natimi ao N na karaoia b'a a na teetekeraoi.

Ieremia 23:25

A taku burabeti aikai b'a I a tia n anganiia te mii ke te kaotioti, ao a taekina te kewe n arau.

Ieremia 23:28

Ti te bo kaokoron miia ma au koaua ae kanga te uteute ao te uita. Ma ngkana a taetae burabeti i buku a na ti taekina te b'ai are I tuangiia.

Etekiera 36:27

i bukina b'a N na karina Tamneiu i nanomi ao ni karikingkami b'a kam na rangi ni kan ongotaeka nakon au Tua ma au Reirei nako.

Etekiera 37:14

E na anganingkami Tamneiu te ikeike, ao kam na manga maiu. N na kaokingkami nakon mwengami, ao kam na ataia iai b'a I kaawakina Au berita. Bon aei Au taeka Ngai ae te UEA.

Etekiera 39:29

N na aki manga tannako mairouia Au aomata aika Iteraera, ao E na maeka Tamneiu i nanoia. Bon aei Au taeka Ngai ae te UEA.

Taniera 7:1

I nanon ana moan ririki te uea are Beretiata i aoni B'aburon, ao I noora te kaotioti n te tairiki teuana. Ao I korea taekan te kaotioti anne, ao aio taekan

Tekaria 12:10

Boni Ngai ae te UEA ae N na karaoa ana kariki Tawita ma kaain Ierutarem b'a a na rangi n nanokawaki ao a na tataro ngkana a noora te aomata are e ewaraki n te kainiwai. A na tang ma n tanginiwenei i bukina, kaanga kaaro aika a tang i bukin maten natiia te rikitemanna ke aia karimoa.

Warekaia Iteraera 11:17

N na anganiia m'aakam teutana ngkana I maroroo ma ngkoe ikekei, b'a aonga ni kona n tararuaia naba aomata ma ngkoe. Ko nang aki manga tararuaia aomata n ti rab'atam.

Warekaia Iteraera 12:6

Ao ngke a tia n tuangiia b'a a na kakauongo raoi, ao E taku: “Bon te UEA Ngai, ae taetae nakoia burabeti n taiani kaotioti ma taiani mii.

Ruka 1:67

Ao e kaonaki tamana are Takaaria iroun te Tamnei are Raoiroi, ao e taetae n ai aron te burabeti ni kangai,

Ruka 3:6

Ao ane a na bane aomata n nora ana kamaiu te Atua!’ ”

Ioane 7:39

E taekina aei Iesu b'a taekan te Tamnei are Tabu, are a na anganaki akana onimakinna: b'a e tuai anganaki te aba te Tamnei are Tabu, i bukina b'a E tuai ni bo ana tai Iesu n neboaki.

M'akuri 2:33

Ngkae E neboaki i angaatain te Atua, ao ngkae E anganaki iroun te Tama te taeka n akoi i bukin te Tamnei are Raoiroi, ao E a tia n nurakina te baei, ae kam noria ma n ongo.

M'akuri 2:39

B'a E a tia te Atua n anga ana taeka n akoi nakoimi, ao nakoia ami kariki, ao nakoia naba ake a mena i kiraroa, ake E weteia te UEA are Atuara nakoina.”

M'akuri 21:9

Iai aman natina aine aika tuai n iein, aika tataetae ni burabeti.

I-Karatia 3:28

Akea kaokoron te I-Iutaia ma te I-Erene i nanoni Kristo, ao akea kaokoron te toro ma te aomata ae inaomata, ao akea naba kaokoron te mm'aane ma te aine: b'a ti temanna ngkami ni kabaneingkami i nanoni Kristo Iesu.

Ebera 1:1

N taai ake ngkoangkoa ao te Atua E taetae nakoia ara bakatibu irouia burabeti n te tai teuana ma teuana, ao n aaro aika bati;

1.Tamuera 19:20

ma ngaia are, e kanakoia tabeman rorobuaka b'a a na katikia. A nooriia koraki ni burabeti aika a m'am'aie ma n tatakarua, ae a kairaki iroun Tamuera. Ao e niiniia ana rorobuaka Tauro Tamnein te Atua, ao a manga ira te m'am'aie ma n tatakarua.

1.Tamuera 19:21

Ao ngke e ongo Tauro te b'ai arei, e a manga kanakoia riki tabeman taan uarongorongo, ao a manga m'am'aie ma n tatakarua. E a manga kanakoia naba ana taan uarongorongo te katenua n tai, ao e teimatoa n riki anne nakoia.

1.Tamuera 28:6

ma ngaia are, e titirakina te UEA b'a tera ae e na karaoia. Ma E aki roko n te kaekaa te UEA, e aki naba anganna te mii ke ni kamanenaan te Urim ma te Tummim ke mairouia burabeti.