Ioera 2:19 - Te B'aib'ara

¹⁹ Ao E taku ngke E kaekai aia tataro, “N na anganingkami te uita, te wain ao b'aan te oriwa ae e tau, ni katoka kainanomi. N na aki manga anga ngkami b'a kam na kab'ainrangaki irouia botannaomata.

Ioera 2:19 ပူးပေါင်းရင်းမြစ်များ

Ieremia 31:12

A na roko Au aomata n te Maunga are Tion ma ni karaoa aia bootaki ni kukurei; a na oota moaia i bukin Au kakab'aia. N na anganiia te uita, te kureebe, ao b'aan te oriwa, ao ai uana naba ma taian tiibu ao taiani kao. A na teetekeraoi Iteraera ao a na rikirake kaanga te nne n aroka ae e m'aiti te ran iai.

Etekiera 34:29

N na karika aia tawaana b'a a na kariki taiani uita aika a m'aiti, b'a a aonga n aki manga baki ke ni ngareakinaki irouia ianena.

Etekiera 36:15

Ko na aki manga ongo b'anaaia botannaomata ake tabeua ni ngareakiniko ma ni mata ni kakaniko riki nakoim. Bon aei au taeka Ngai ae te UEA ae te Atua.

Etekiera 36:29

N na kaawakiningkami mani b'aai aika kam na kam'araa iai. E na taonako ami tawaana n taiani uita, ao akea ae e na manga baki.

Etekiera 36:30

A na onrake arokami n taiani uaa, ao a na rikirake taiani uita n ami tawaana nako, n te aro are kam na aki manga mamaa i bukin aki taun kanami.

Etekiera 39:29

N na aki manga tannako mairouia Au aomata aika Iteraera, ao E na maeka Tamneiu i nanoia. Bon aei Au taeka Ngai ae te UEA.

Otea 2:15

N na kaoka am nnenaroka ni kureebe, ao i mwiina te M'arua are Kangaanga are e na riki b'a M'aruan te Kantaninga. Ane ko na kaangai “Eng” nako iu n aron are ko karaoia ngkoa ngke ko kairake, ngke ko kiitana Aikubita.

Otea 2:21

N na tuanga karawa b'a e na karokoa te karau i aon te aba,

Otea 2:22

ao e na karikirakei taian uita, taiani kureebe, ao taian oriwa n te M'arua are Ietireera.

Ioera 1:10

A tang taian tawaana aika akea arokana; a bue ma ni b'atakataka.

Ioera 2:24

E na kaona ami tabo ni kaaki kun ni uita te uita; a na taonako taian tiaeki n te wain ma b'aan te oriwa.

Nakoaia Ibonga 26:5

A na rangi ni bati ami uaa ake a uangingi ma ami kureebe ngkana kam taii, n te aro ae kam na aki ataa ae kam na karaoia iai. Kam na am'arake ao kam na rauaki, ao kam na maeka ma te kawakinaki raoi.

Tekaria 8:12

Ma n onea mwiin anne, N na kakoauaa b'a a na unikaki uita ma te rau ao ami nne n aroka ni kureebe a na kariki uaa, ao a na maiu raoi ami tawaana ao e na b'aka te aoi mai karawa.

Mataio 6:33

Ma kam na ukoukora moa Uean te Atua ma ana raoiroi, ao E na karekei baikai ni kabane te Atua nako imi.

Te Tua-Kaua 11:14

ao E na karokoa te karau ni bon tain te karau, ma ngaia are, a na reke kanami, ma ami wain, ao b'aan te oriwa aika m'aiti, ao a na m'aiti naba taiani uteute i bukiia ami nanai ni man.

Ruuta 1:6

I mwin te tai ae aki maan, ao e ongo Naomi b'a E a tia ni kakab'aia ana Aomata te Atua, n anga te maiu nakon abaia. Ngaia are e a katauraoi ni kitana Moaaba ma buuia natina.