Ioera 2:15 - Te B'aib'ara

¹⁵ Katanga te bu i aon Tion! Weteia aomata ni ikotiia. Kaota nanokawakim n aki am'aam'arake.

Ioera 2:15 ပူးပေါင်းရင်းမြစ်များ

1.Uea 21:12

Ao a tuangiia aomata b'a bon te bong n aki am'arake, ao ngke a bane ni ikotaki, ao a katekateka Naabota i moa.

1.Uea 21:9

Ao e kaangai kanoan ana reta: Weteia aomata ni kabane, ao tuangiia b'a a na aki am'arake n te bong aei. Ao ngkana a bane ni ikotaki ao katekateka Naabota mai i moa.

2.Uea 10:20

Ao e taku, “Kam na katanoataa te bong are e na taromauriaki iai B'aara. Ao i mwiin te katanoata,

Itaia 1:13

Akea boonganan ami karea, ao a rangi n ribaaki ami b'ai ni kaboiarara. I aki konaa moan ami m'akuri aika buakaka aika kam karaoi n ami Toa ae Moan Otin Nam'akaina ke n ami Taabati ao taai n taromauri ake tabeua.

Ieremia 36:9

N te karuaiwa n nam'akaina n ana kanimaua n ririki ni uea Ieoiakim i aon Iuta, ao a aki am'aam'arake aomata i bukin anaakin nanon te UEA. E karaoaki te aki am'aam'arake irouia ake a maeka i Ierutarem ao irouia aomata ni kabane ake a roko ikekei man kaawan nako Iuta.

Ioera 1:14

Tuangiia taani kairiiri ao aomata b'a a na bootaki n au Tembora. Tuangiia b'a a na aki am'aam'arake ao a na tataro ni kakorakoraia.

Ioera 2:1

Katanga te bu i aon Tion are ana tabuki ae e tabu te UEA. Kauringiia aomata nako b'a a na ruru ni maaku! E nang roko ana bong ni motikitaeka te UEA n te tai ae e aki maan.

Warekaia Iteraera 10:3

Ngkana a katangaki uaai taiani buu, ao a na bane aomata ni botaki ma ngkoe i mataroan te Um'antabunrianna.