Ioera 2:1 - Te B'aib'ara

¹ Katanga te bu i aon Tion are ana tabuki ae e tabu te UEA. Kauringiia aomata nako b'a a na ruru ni maaku! E nang roko ana bong ni motikitaeka te UEA n te tai ae e aki maan.

Ioera 2:1 ပူးပေါင်းရင်းမြစ်များ

1.Rongorongo 15:28

Ngke e tabe ni uotaki te Atiniberita nako Ierutarem, ao a bane aomata ni bukamaruia n takaarua ao ni katangi b'aini katangitang aika taiani konete, buu, timbara, aabi, ao b'aai ni katangitang riki tabeua ake taiani karai.

Taian Areru 119:120

I ruru b'a I makuko: I maaku n am Moti.

Taian Areru 87:1

E katea ana kaawa te UEA i aon te maunga are tabu;

Te Otinako 10:14

A roko n te m'aiti ae e korakora ao a tiku n te aba arei ni kabutaa. Bon te nanai n rokati ae moan te korakora ae e tuai man nooraki mai m'aaina, ke ae na aki manga konaa n nooraki rimwi.

Itaia 13:6

Kam na tang ma ni katuu ranin matami! E a roko te bong are e na karokoa iai te urub'ai te UEA ae Moan te M'aaka.

Itaia 13:9

N na kaota au aki nanoanga ke au aki akoi Ngai ae te UEA ngkana e roko te tai arei. N na kamaunaa te aonnaba ni marakin nanou ao taani bure naba ni kabane akana a maeka i aona.

Itaia 2:12

E a tia te UEA ae Moan te M'aaka n rinea te bong are a na b'aka iai aomata ake a kamoamoa ao a kainikatonga.

Itaia 66:2

I a tia ni karaoi b'aai nako; ao anne aron rikiia ni kabane. Bon aei au taeka Ngai ae te UEA. Aomata ae I kawakinia riki bon aika nanorinano are a mena aia mwioko irou ao a ruru ngkana I taetae.

Itaia 66:5

Ngkana kam ruru ngkana e taetae te UEA, ao kam na kakauongo nakon te b'ai ae e taekinna ae e kaangai: “A ribaingkami tabeman aomata ibuku ao a rawa naba iroumi ibuku. A b'ab'ainingare ao a taku, Ke E kaota m'akana te UEA! Ti a mataku i rouna ngkana e anganingkami te kukurei ni koaua.’ Ma ane a na mamaa koraki akana a atong baikai.”

Ieremia 16:10

Ane a na titiraki ni kaangai, “E aera ngkai e a kamarakiira Atuara n taiani kabuanib'ai aika a m'aiti? Tera te kaairua ae ti a tia ni karaoia ke ara bure nakoina?”

Ieremia 16:7

Bon akea ae e na uota te am'arake ao te wain ni buokiia ni karaui nanoia akana tang i bukin mateia tamaia ma tinaia.

Ieremia 4:5

“Katang taiani bu au aomata. Kauringiia kaain Iuta, Biri n rawei maiumi!

Ieremia 5:22

riai n taromauriai ma te maaku ma n ruru? Boni Ngai ae I karaoa te bike are tokin te marawa. A na b'aro nao i aon te bike, ma bon ti tokiia anne.

Etekiera 12:23

Ngkai ko na tuangiia aomata b'a N nang karaoa te b'ai teuana ae a na kakoauaa iai b'a e bure aia taeka anne. Bon akea riki ae e na manga konaa n taekina riki anne i aon Iteraera, i bukina b'a a nang koro bukin b'aai ni kabane aika I taekin n te tai ae e aki maan!

Etekiera 21:12

Ngirangira n nanokawaki Etekiera; e kab'akaaki te kabaang i aoia Au aomata ma aia taani kairiiri. A na mate! Ma ngaia ae ko na kab'araa nanom man am kaantaninga ni kabane.

Etekiera 30:3

i bukina ngkai ko na waekoa ni katuaaeaki! Bon anne tain te rootongitong ao te b'aka i bukiia botannaomata nako.

Etekiera 33:3

ma ni katanga te buu b'a te kanikina ngkana e noora te kairiribai n roko.

Etekiera 33:6

Ao ngkana e noora rokon te kairiribai te tia taratara ao e aki katanga te kanikina, ao e na roko te kairiribai n tiringiia koraki aika akea aia bure, ma N na kataua te tia taratara are e bukintaeka ni mateia aomata.

Etekiera 7:10

E a kaan te kabuanib'ai! E a mena n taabo nako te motibuaka ma te kainikatonga,

Etekiera 7:12

E a roko te tai are a na bane iai aomata n uruaki aroia. E nang toki te kaboob'ai ma te kabonako b'aai,

Taniera 6:26

Au kaetieti nakoimi ni kabane kaain au tautaeka b'a kam na bane ni maaka ao ni karinea Atuan Taniera.

Taniera 9:16

Ko a tia ni kamanoira n taai ake ngkoa, ma ngaia ae Ko nang katoka unim iroun Ierutarem. Bon am kaawa, am tabuki ae e tabu. A bane n taraa Ierutarem ma am Aomata kaain kaawa nako aika i rarikira i bukin ara bure, ao aia m'akuri aika a kam'araa ara bakatibu aika a tia ni karaoi.

Taniera 9:20

Ao I boni waakina naba au tataro, ni kaoti au bure ao aia bure Iteraera, ao ni kairoroa te Uea ae te Atua b'a e na manga kaokaki te Maunga are e tabu.

Otea 5:8

A anga te kauring n te bu! Ke ongo te aba i Kibea, Ram'a, ao Betaera are e korakora te bure iai. Beniamin, tarataraiko!

Otea 8:1

Katanga te buu ni kauring! Iteraera, ko a tia n urua ara boraraoi ao ko a tia n aki kubara au reirei. Ao ngkai e na kiba rikaaki te ikare ni buakana abau.

Ioera 1:15

Ti a reke n te kaangaanga! E nang karokoa te kabuanib'ai te UEA are Moan te M'aaka n te tai ae e aki maan.

Ioera 2:11

E kairiia te taanga ni buaka aei te UEA ae te Atua ae e aki konaa ni warekaki, ao a ongotaeka nakon ana kaetieti. E rangi ni kakamaaku ana bong ni motikitaeka n te aro are akea ae e konaa moana.

Ioera 2:15

Katanga te bu i aon Tion! Weteia aomata ni ikotiia. Kaota nanokawakim n aki am'aam'arake.

Ioera 2:31

E na okirikaki taai n rotongitong, ao nam'akaina e na uraura kaanga te raraa i m'aain kaotin te bong are e rangi ni kakamaaku arei.

Ioera 3:14

A kaona te M'arua are Te Motikitaeka aomata aika m'aiti. E na roko ana bong n ana Motikitaeka te UEA n te tai ae e aki maan ikai

Ioera 3:17

Bon te UEA Ngai ae Atuami. Ao kam ataia b'a I maeka i aon Tion, b'a e aonga n tabu Ierutarem, ma n aki kuukuneaki n aia taanga ni buaka ianena.

Amota 3:6

Ana kona n aki maaku aomata ngkana e tang te bu ni kaota buakanakin te kawa? Ana kona n roko buaka n orea te kaawa ngkana e aki karokoa te UEA?

Amota 5:18

E na bon kanganga nakoimi ngkami ake kam ukoukora ana bong te UEA! Tera raoiroin te bong anne nakoim? Bon te bong ae na rotongitong ma tiaki te ota.

Amota 8:2

Ao E tuangai te UEA, “Tera ae ko nooria Amota?” Ao I kaangai, “te b'aene ni uaanikai.” E taku te UEA nako iu, “E a roko te toki i aoia Au aomata aika Iteraera. N na bon aki bita nanou i bukin oreaia.

Ob'aria 1:15

“N nang karokoi aia bong botannaomata b'a N nang katuaaia. Ngkoe ae Etom, e na manga bon okiriko te b'ai are ko a tia ni karaoia. E na bon reireiniko am m'akuri.

Teb'ania 1:14

E a kaan ana bong te UEA, e a rangi ni kaan, ao e rangi ni waekoa! Te bong ae moan te kakamaaku n te aro are e na bon rotaki naba iai te tautia ae moan te ninikoria.

Teb'ania 1:16

E na kanoaki te bong arei n tangin taian buu ni buaka, ao karongoaia taani buaka ngkana a buakani kaawa aika a nonoaki ma taua aika a ririeta.

Teb'ania 1:7

E a kaan ana bong ni motikitaeka te UEA, te tai are E nang karaoa iai ana m'akuri te UEA, ma ngaia are kainab'aabu i matana. E katauraoi te UEA b'a E na anga ana aomata b'a taian karea, ao E kateirakeia kairiribai b'a ana kurib'aia Iuta.

Teb'ania 3:11

N te tai arei, ao N na kam'awaia taan kairiri aika a kamoamoa mani kainikatonga, ao ane ko na aki manga kainikatonga n au maunga are e tabu.

Tekaria 14:1

E na bon roko ana bong te UEA. Ao ngkana e roko, ao a na kaokaki b'aai ni kabane ake a anaaki mai Ierutarem ma n tib'aaki i marenaia kaaina.

Tekaria 8:3

N na okira Ierutarem ma ni maeka ikekei i aon te Maunga are Tion. Ao ane e na ataaki iai b'a te kaawa ae e kakaonimaki, ao e na ataaki Tion b'a te maunga ae e tabu.

Maraki 4:1

E na bon roko te bong ni motikitaeka. Ao e na riki b'a kaanga te ai ae e korakora ae kabuebue ma urana ae e kab'atataia aomata aika a kainikatonga ao aikai taani bure, b'a kaanga ai aron te b'ariko n uteute. Bon akea m'angana ke wakaana ae na tiku. Bon aei au taeka Ngai ae te UEA ae Moan te M'aaka’

Warekaia Iteraera 10:2

Karekea te aomata ae na karaoi uoua taiani buu man te tirewa ae amanaki. E na riki te buu anne b'a b'ain ikotaia aomata, ao anganakiia aomata te kanikina b'a a nang kam'ainga aia maeka.

Warekaia Iteraera 10:3

Ngkana a katangaki uaai taiani buu, ao a na bane aomata ni botaki ma ngkoe i mataroan te Um'antabunrianna.

1.I-Korinto 14:8

B'a ngkana e tang te bu n te tangitang ae aki akaaka, ao antai ae na katauraoi nakon te buaka?

I-Biribi 2:12

Ma ngaia aei, ngkami aika kam tangiraki i rou, kam aki toki n ongeaba, tiaki ti ngke I mena iroumi, ma ai moa ra riki ngkai I a raroa nako mai roumi. Kam na kekeiaki m'aaka, n ruru ni maku, b'a e aonga n reke raoi kamaiuami!

1.I-Tetaronike 5:2

B'a kam bon ata ana bong te Uea, b'a e na roko n ai aron rokon te tia iraa n te bong.

Iakobo 5:8

Kam riai naba ngkami n taotaon nanomi. Kam na nanomatoa, b'a e a kaan rokon te Uea.

1.Betero 4:7

E a kaan tokini b'aai ni kabane, ma ngaia ae kam na nanowanawana ma n tatauraoi n tataro.

Te Kaotioti 6:17

B'a e a roko te bong are kakamaaku are bongin unna, ao ai antai ae kona n tei i m'aina?”