Ioera 1:4 - Te B'aib'ara

⁴ A tia n roko taanga n rookati te korakina i mwiin te korakina n tiring arokara, ma ni kang b'aai ni kabane ake a noori.

Ioera 1:4 ပူးပေါင်းရင်းမြစ်များ

1.Uea 8:37

N taai tabetai, a na m'autakataka taian aroka, ke a na mka, ke a na kanaki irouia rookati ke taian taake, ao ane a na mate ni baki am Aomata. N tabetai ane a na katobibiaki aia kaawa irouia aia kairiribai, ke a na aoraki am Aomata n aoraki aika a kamaamate,

2.Rongorongo 6:28

N tabetai ane a na m'auteretere arokan te tawaana ke a na mka ke a na kanaki n taian rokati ke taian taake, ao ane a na bora ni baki am aomata. N tabetai a na roko kairiribai ni katobibia aia kaawa, ke a na aoraki aomata n te aoraki ae moan te kamaamate.

2.Rongorongo 7:13

Ngkana tao arona b'a I taua te karau ke ni kanakoia taian rookati b'a a na kang arokami ke ni karawawataia au aomata n te aoraki ae moan te kamaamate.

Taian Areru 105:34

E taetae, ao a roko karinan ni keeketi aika kanga ai aron te taake, aika aki konaaki ni warekaki m'aitiia.

Taian Areru 78:46

E kanakoia rookati b'a a na kang arokaia ao a na uru aia tabo n ununiki.

Te Otinako 10:4

Ngkana ko teimatoa n rawa, ao N na manga karokoia te taanga n rookati n abam nakon te ingabong.

Te Otinako 10:5

E na bon rangi ni m'aiti n te aro are e na kaona aon tano. A na kang b'aai nako ake taian nikira n ana urub'ai te karauteaiti, ni karokoa naba taian aroka ake a tiku.

Itaia 33:4

Ti buakaniia ara kairiribai kaanga taian taanga n rookati; ti anai b'aai ni kabane ake a b'ain.

Ieremia 51:14

Boni Ngai ae te UEA ae Moan te M'aaka, ae I tuea ni bon oini maiu b'a a na kaona kawain nuukan ami kaawa aia tautia kairiribai kaanga te taanga n rokati. Ane a na takaarua ao a na rungaa aia tokanikai.

Ieremia 51:27

Aanga te kanikina nako ia botannaomata nako b'a a na tauraoi nakon te buaka. Irakea te buraeki ao katanga te buu. Kanakoa weteaia aia taanga ni buaka kaain Ararata, Minni, ao Atikenati. Rinea te mataniwi; ao kanako ia taani buaka i aoia aoti b'a a na buaka kaanga taanga n rokati.

Ioera 2:25

Boni Ngai ae te UEA ae Atuami, ae N na kabooa mwiin b'aai aika a bua ake a riki irouia te taanga n rookati teuana ma teuana ake I kanakoi b'a a na buakaningkami.

Amota 4:9

“I kanakoa te ang ae kabuebue, b'a e na tiring arokami ao te rookati b'a e na kang ami oo-n-aroka, ma nnen ami kureebe ma biiku, ao oriwa. Ma kam bon teimatoa naba n aki onimakinai.

Amota 7:1

Ao e roko i rou te mii mai roun te UEA ae rietaata. Ao I noria b'a E karika te taanga n rokati imwin korean ana uteute te uea ngke a tiba manga bwebwerake uteute aika boou.

Maraki 3:11

N na katoki taian rookati

Te Tua-Kaua 28:38

Ane kam na kamrarai taian koraa aika m'aiti, ma a na rangi ni karako uaana aika kam na karekei, i bukina b'a a na kanaki arokami n taian rookati

Te Tua-Kaua 28:42

Ane a na kana ami uita ma ami b'aare taian rookati ma ni kang baan arokami ma uaaia ni kabane.