Iobi 9:32 - Te B'aib'ara

³² Ngke bon te aomata te Atua, ao N na bon kona ni kaekai Ana taeka, N na nako ma Ngaia nakon te kabowi ni kaetieti ma Ngaia.

Iobi 9:32 ပူးပေါင်းရင်းမြစ်များ

Iobi 33:12

Ma I tuangko Iobi, b'a ko bure. E korakora riki te Atua nako ia aomata nako.

Iobi 33:7

Ma ngaia are, bon akea bukina b'a ko na maakai; N na bon aki taobekaiko nako.

Iobi 9:14

Ma ngaia are N na kanga ni kakaei au taeka ake N na kabooi iai Ana taeka te Atua?

Iobi 9:19

Tao N nang imanono? N nang imanonoa te Atua? I kona ni kateia n te kabowi? Iai ae kona ni kam'ananga nakon te kabowi?

Iobi 9:3

E na kangaa ni kauntaeka te aomata temanna ma Ngaia? E kona n titiraki teuana te nga te titiraki, ao bon akea temanna ae kona ni kaekai.

Iobi 9:31

E tewenakoai te Atua nako nanon te rua ae kammaira, n te aro are a rangi ni kam'araa kunnikaiu iai.

Taian Areru 143:2

Tai motika taekan am toro ni kabuakaka; b'a akea te aomata ae maiu ae e raoiroi i matam.

Te Minita 6:10

B'aai ni kabane aika a riki boni baika a kaman baaireaki n taai ake ngkoa. Ti bon atai aekakira ngaira aika aomata, ao ti bon aki konaa ni kauntaeka ma te Atua, b'a e bon rangi ni korakora i bukira.

Itaia 45:9

Iteraera, bon akea riaim b'a ko na kauntaeka ma te Tia Karikib'ai. Bon ti te m'angko te tano ngkoe ae ko borikaki iroun te tia karao m'angko. E aki konaa n titiraki te m'angko te tano, “E aera ngkai ko karaoai n te aekaki aei A anga taningau?”

Ieremia 49:19

N na buakaningkami kaanga te raian man te buakonikai, ngkana e un nakon te tiibu n te tawaana are i mataniwiin te Ioretan. N te tai are a biri iai te nanai n tiibu, e na akea kanoan te aba. Antai ae N na rineia b'a e na buakaningkami? Boni Ngai! Bon akea ae e konaa ni kairoroai b'a N na buaka ke ni kakioai nako.

Warekaia Iteraera 23:19

Tiaki aron te aomata te Atua! E aki kona ni kewe, ao E aki bibitaki naba nanona. E aki kona n ae E na aki kakoroa bukin Ana berita.”

I-Rom 9:20

Nao! Antai ngkoe b'a ko na kaekaa te Atua? Iai riain te b'ai ae e karaoaki man te bokaboka b'a e na kaekaa te aomata are karaoia ni kaangai, “E aera ngkai ko karaoai n arou aei?”

1.Ioane 3:20

b'a ngkana a kabuakakaira nanora, ao E matairiki riki te Atua nakon nanora, ao E atai b'aai ni kabane.

1.Tamuera 16:7

Ma E taku te UEA nako ina, “Tamuera, ko na tai taku b'a ngaia ae na rineaki i bukina ngke a ab'ab'aki ao e botonim'aane. Bon tiaki ngaia ae rineaki. A karaoa aia rinerine aomata man tarakiia, ma I karaoa Au rinerine ma taraan nanoia.”