Iobi 9:26 - Te B'aib'ara

²⁶ E a taonnako maiu kaanga te booti ae beibeti nako ni waekoa, ao kaanga ai aron naba bakareren te karakara ngkana e rawea te ika.

Iobi 9:26 ပူးပေါင်းရင်းမြစ်များ

2.Tamuera 1:23

E nang beebete karekean tangiraia Tauro ao Ionatan. A kaai ni maiu, a kaai ni mate, a biri m'aaka riki nakoia ikare ao a korakora riki nakoia taian raian.

Taeka n Rabakau 23:5

E na kibanako ami m'ane i m'aain ae kam a ataia, n ai aron te ikare ae e karina ni kiba nako.

Itaia 18:2

E kanakoia ana taan uarongorongo Aikubita ni waerake n te Karaanga are te Naire i aon taiani kaibuke aika a karaoaki n taiani uteute. Ni kawaekoaia nako Itiobia, are a ab'ab'aki kaaina ao a maratirati kuniia. E korokoreaki abaia n taiani karaanga; a korakora ao a iowawa, ma ni maakaki ni kabutaa te aonnaba.

Ieremia 4:13

Nooria! e kiba rikaaki kaanga te ikare ana taanga ni buaka te kairiribai; a rangi ni biri m'aaka riki aia taan toka i aoia aoti ao aia kaanibuaka nakon te nang ni buakan karawa ae e ukaki n te ang.” Ao ane ko na kaeka ni kaangai, “Ti a mate!”

B'aeb'aeti 4:19

A birim'aaka riki ngkana a raweira nakon te ikare ngkana e b'akara kanana mai karawa n raweia. A kakioira rikaaki i aon tabuki; a raweira i nanon te rereua.

Ab'akuka 1:8

“A birim'aaka riki aia aoti nakoia reeb'ari, a tiritiri nakoia kameanti aika a baki. A roko aia taan toka i aoia aoti man aaba aika a raroa. A nimta te tano ukin waeia aia aoti. A biri rikaaki n ai aron te ikare ngkana e na rawea kanana.

Te Tua-Kaua 28:49

A na kanakoaki ianena aika kaokoro aia taetae b'a a na buakaningkami n te aro ae karina, kaanga ai aron te ikare ngkana e kiba rikaaki.