Iobi 9:24 - Te B'aib'ara

²⁴ E anga te aonnaba te Atua nako ia aomata aika buakaka. E kamatakiia taani moti ni kabane. Ao ngkana tiaki te Atua ae karaoi, ao antai ae karaoi?

Iobi 9:24 ပူးပေါင်းရင်းမြစ်များ

2.Tamuera 15:30

Ao e waaki nako Tawita nako karaabeen te Maunga are Oriweta. E bon aki kaunna ao e tang, ao e karabaa atuuna ni kaota rawawatana. Ao a bane n tang ake iria, ao a rabuni naba atuuia.

2.Tamuera 19:4

E taua baina Tawita i aon matana ao e tang n takaarua ni kaangai, “Natiu, ae Abetarom! Abetarom, natiu, natiu!”

Etita 6:12

Ao e a manga okira te bareti Moretekai, ao Aaman e kawaekoa n okira ana auti, ao e karabai matana ni baina b'a e mamaa.

Etita 7:8

E eeinako nako aon ana kaintekateka Nei Etita, b'a e na buubuti nanoangaana, ao ngke e oki te uea nakon te ru man te nne n aroka, ao e nooria n arona arei, ao e takaarua ni kaangai, Tera ae e kataia ni karaoia te m'aane ae e buakaka aei? E na kataia n taua te ueanaine i matau ikai, i nanon oin au bareti? Ngke e tabe n taetae te uea, ao e a roko naba te toro temanna n rabuna atuun Aaman.

Iobi 10:3

E koaua b'a e raoiroi b'a Ko na iowawa? E riai i Roum b'a ko na ribaa te aomata are ko bon karaoia? Ao ni kariaia aia waaki aomata aika buakaka?

Iobi 12:17

E uoti nako rabakauia taan tautaeka, ao E karikiia taan kairiri b'a nanobaba.

Iobi 16:11

E anga ngai te Atua nako nanon baiia aomata aika buakaka, ao E kaaki taekau i rouia aomata aika kam'araa.

Iobi 19:7

Nooria, I totokoa aron ana kamwengabuaka, ao bon akea ae kakauongo; akea ae ongo tangiu i bukin te eti.

Iobi 22:8

Ko kamanena m'aakam ma nakoam n taua aonteaba ni kabane.

Iobi 24:12

A tang aomata aika ikoaki ma aika kani mate i nanon taiani kaawa, ma E aki kaekai aia tataro te Atua.

Iobi 24:25

Iai ae kona ni kakewea aei? Iai ae kona ni kakoaua b'a e kewe au taeka?

Iobi 32:2

Ma e a aki kona n taotaona nanona temanna te aomata ae mena i rarikiia ae arana Eriu i roun Iobi ngke e kaeta are i bon i rouna, ao e bukina te Atua. (Eriu bon natin B'arakera, man te baronga are Buti, ao kain te kaainga are Ram)

Taian Areru 17:14

Kabongana baim ae m'aaka ni kamaiuai iai mai nanoni baiia aomata aika reke irouia b'aai ni kabane aika tangiri n te maiu aei. Ko kareke kanaia ake Ko tangiriia. A bati n reke irouia natiia, Ao a na bati riki n reke nakoia tibuia i aoni m'aitin are e tau i bukiia.

Te Minita 4:1

I a manga taratara nako riki, ao I nooriia aomata aika a karaoaki ae a aki riai nakoia ni kabutaa te aonnaba. A tang, ma bon akea temanna i rarikiia ae e kona n anga te karaunano nakoia, ao te koraki ake a karaoa ae e aki raoiroi nakoia bon aomata aika iai te m'aaka irouia.

Ieremia 14:4

E a maan te tai ae e aki iai b'aka te karau, ao a aoraki taan ununiki ngke a matakuakina tabwenabwenan aon te aba i aon te tano ae m'auteretere.

Taniera 4:17

Aio ana babaire te anera are e b'aina te tatauraoi. Ma ngaia are, a na bane aomata n ataia b'a E m'aaka te Atua ae moan te m'aaka i aon abanuean te aomata, ao E kona n angan ane E bon taku, n ai aroia aika rangi ni mangori.’

Maraki 2:17

Kam a tia n rangi ni kakuaa te UEA n ami taeka nako. Ao kam titiraki ni kaangai, “Ti na kangaa ni karaoa anne?” Kam karaoia n ami taeka ngke kam kaangai, “E kukurei te UEA ni karaoa te buakaka ao E aki tabe ma te motiraoi.”