Iobi 7:15 - Te B'aib'ara

¹⁵ ni karokoa ae I a tangiria riki ni mate nakon ae N na maiu i nanon te rawawata aei.

Iobi 7:15 ပူးပေါင်းရင်းမြစ်များ

2.Tamuera 17:23

Ao ngke e nooria Aitobera b'a a aki ira ana iango Abetarom ma taani kairiiri i aon Iteraera, ao e tokara ana aati ao e okirikaaki nakon mwengana i Kiro. E tuangiia ana utu ma ana taani m'akuri te b'ai ae e nang karaoia. Ao i mwiina, e kabaea roroana i bon i rouna, ao a tauna rab'atana n te ruanimate are ana b'ai ana utu.

Iobi 3:21

I tataninga te mate ao n tangira riki te rua ni mate nakon te kaub'ai.

Iobi 3:22

Bon akea te b'ai ae na kona ni kakukureiai i rarikin te mena n te ruanimate;

Iobi 7:14

Ma Ngkoe-Ko kakamaakai n taiani mii, Ko karokoi i Rou taiani kaotioti ma mii aika kakamaaku

Iobi 7:16

E a b'ara nanou; I a kua n te maiu aei. Katukai n ti ngai, akea nanoni maiu.

Iobi 9:21

I bon aki bure, ao I aki tabe iai. I a kua n te maiu aei.

Te Minita 2:17

Bon aio te b'ai ae I ribaa iai te maiu. A bane ni kammaraki b'aai nako aika ti karaoi, bon te iango ae akea nanona b'a kaanga ti kakiokioan te ang.

Ieremia 8:3

Iai i buakomi kaain Iuta aika a na tiku ni maiu, ma N na kairoroingkami b'a kam na nako abaia ianena, ao ane kam na tangiria riki ni mate. Bon aei au taeka Ngai ae te UEA.

Iona 4:3

Ma ngaia are, te UEA, kariaia b'a N na mate, e raoiroi riki mateu nakon maiu.”

Iona 4:8

I mwiin otin taai ao te Atua E kanakoa te ang mainiku ae e kabuebue, ao e rootaki Iona ao e kuri n tong ni kabuebuen taai ngke e b'akaria. Ma ngaia are, e bon bubuti bon i bukina b'a e na mate, ao e kaangai, “E raoiroi riki mateu nakon maiu.”

Mataio 27:5

Ao Iuta e karenako m'aane ake tirewa ake tenibwi nako aontano i nanon te ruu are tabu n te um'antabu, ao e kitana ikekei; ao e nako ni kabaea roroana.

Te Kaotioti 9:6

I nanoni bongin nam'akaina akana nimaua akanne ao a na kakaaea te anga ae a na mate iai, ma akea ae na reke i rouia: a tangira te mate, ma e biri nako te mate mai rouia.