Iobi 6:15 - Te B'aib'ara

¹⁵ Ma ngkami raoraou, kam kam'aneai kaanga taian karaanga n ran aika b'atakataka ngkana e aki b'ab'aka te karau.

Iobi 6:15 ပူးပေါင်းရင်းမြစ်များ

Iobi 11:16

Ao a na bane ni mauna nako taian kangaanga man am iango, n ai aron taian ieka aika tia n nako ao a m'anuokinaki.

Iobi 13:4

Kam rabuni bangabaimi n taiani kewe, kaanga ai aroia taokita ngkami aika aki kona ni kamaiuia aomata.

Iobi 14:11

Ti mate, ao ti aki manga teirake n aron taian karaanga ngkana a toki raangaia,

Iobi 19:13

E a tia te Atua ni karaoia au utu b'a a na kiitanai; a manga aki kinaai aomata ake a bon kinaai ngkoa.

Iobi 19:19

A taraai raoraou ma te mata n riribai. A manga taboribaai raoraou ake I tangitangiri ma ngaiia ngkoa.

Iobi 6:16

A rabunaki taian karaanga n ran n te tinoo ma te aiti,

Taian Areru 38:11

A kararoaai raoraou ma ake a maeka ni kaan ma ngai i bukin aorakiu; ao a kararoaai naba au utu mairou.

Taian Areru 41:9

Ao e eekainako naba te aomata ae bon raou ni koaua ae I onimakinna, ae raoraou n am'am'arake.

Taian Areru 88:18

Ko kararoaia mairou raoraou aika I rangi n tena ma ngaiia, Ao ai ti ngai n tiku n te roo.

Taeka n Rabakau 25:19

Te rao ae ko aki konaa n onimakinna i nanon tain te kangaanga boni kaanga te maraki ni m'aka ni wii ke te ikoaki ni wae.

Ieremia 12:6

E ngae naba ngkana bon am koraki ane a na manga kaaitarako. A na taraa n ae bon taian rao ni koaua ma ko na aki onimakiniia. Bon bukin m'anangaia b'a a na kam'aneko, ao ai aroia aomata ni kabane.

Ieremia 15:18

I ikoaki kaakaiaki ao e aki tootoki marakiu. Ko nang kab'araa nanou kaanga te raanga n ran ae e a m'auteretere i nanon tain te aumaiaki ae e kabuebue?

Ieremia 30:14

A bane ni m'aninga taekami raraomi; a aki manga tabe ma ngkami. I a tia ni buakaningkami kaanga te kairiribai; ao e rangi ni kamaraki katuaaeami i bukina ngkai a m'aiti ami bure ao a rangi ni korakora buakakami.

Ieremia 38:22

ao ane a na uotaki nako ainen am bareti b'a taenikai irouia ana mataniwi Nebukaneta. Ao ane a na kaangai aine aikai nakoim: A kairiko nako raoraom aika ko onimakiniia. Ao ngkai ko a m'ane n te bokaboka, ao a tia n rairaki ni kiitaniko raoraom ake ko onimakiniia.

Ioane 13:18

I aki taekiningkami ni kabaneingkami, I ataiia aika I a tia n rineia; ma e na kakoroaki nanon are taekinaki n te B'aib'ara ni kaangai: “Te aomata ae I am'arake ma ngaia, e riki b'a te tia kam'aruaai.”

Ioane 16:32

Noria, e a roko te aoa, ao e a boni kaman roko, are kam na kauamaaeaki nako iai nakoni mwengami nako, ao kam na kitanai ni katukai n ti Ngai; ma iai raou b'a Tamau.

Iuta 1:12

Te koraki arei a riki b'a kanga baareka n ami botaki n am'arake n i tangitangiri, ngkai a botaki n am'arake ma te aki aubaa, ao a ti tabeakiniia i bon i rouia; kanga naang aika akea te karau i nanoia, aika uouotaki nako n te ang; kanga kaai aika aki uaa n taini kaai n uaa; aika kaai aika kanga uoua aia tai ni mate ao a taekaki mani wakaaia;