Iobi 5:14 - Te B'aib'ara

¹⁴ e ngae ngke te tawanou, ma a na kakaae nako baiia n te rootongitong

Iobi 5:14 ပူးပေါင်းရင်းမြစ်များ

Iobi 12:25

A kakaenako baiia n te rotongitong, ao a raai waeia kaanga koro ni manging.

Iobi 15:30

E na bon aki kona ni biri nako man te rotongitong, ao e na ukaki nako n ikeiken te Atua.

Iobi 18:18

E na kanakoaki man abaia aomata aika maiu, e na kanakoaki man te oota nakon te rotongitong.

Iobi 20:26

A bane ni kamaunaaki taiani kaub'ai ake e kaawakin; a na kabuokaki ma ana utu n te ai ae aki kauraaki i roun te aomata.

Iobi 22:11

E roko te rotongitong ae ko aki kona n noora iai te b'ai teuana, ao e rabuniko te ieka.

Iobi 24:13

Iai aomata aika ririiba te oota; a rawa n nakonako i nanon te kawai ae oota.

Iobi 38:15

E rangi n raka raneanean te ngaina i rouia aomata aika buakaka n te aro are e tuukia man kaikoakaia aomata.

Te Otinako 10:21

Ao E a manga taku te UEA nakon Moote, “Tabeka baim nako karawa, ao e na roko te rootongitong ae e na rabuna aban Aikubita ni kabutaa.”

Te Otinako 10:22

Ao e tabeka baina Moote nako karawa, ao e rabunaki Aikubita ni kabutaa i nanon tenua te bong.

Taeka n Rabakau 4:19

Katein maiuia aomata aika a buakaka kaanga ai aron te rotongitong ae e korakora, ao a na bon aki konaa n ataia b'a tera ae e toki waeia iai.

Itaia 59:10

Ti kaenakoi baira ni kakaaea kawaira, kaanga aroia aomata aika a matakii; a toki waera ngke e tawanou, kaanga ai aron ae e a bong. Bon ti te arona ara taratara ma te aomata ae e a mate.

Amota 8:9

Ao n te bong arei ao N nang kabunga taai ngke e a tib'a boo tawanou, ao e na roo aonteaba n tain te ngaina. Bon Ana taeka te UEA ae rietaata

Te Tua-Kaua 28:29

n te aro are kam na riki b'a aomata aika matakii aika kakaaenako baiia e ngae ngkana e a kiro te tawanou, ao a aki kona naba n ataia b'a e a bong ke a ngaina. A na oroingkami ma ni kimoai ami b'ai aomata ni kabane bongin maiumi, ao bon akea ae na kona ni katokiia.