Iobi 42:6 - Te B'aib'ara

⁶ Ma ngaia are, I mamaa ni b'aai ake I a tia n taekin, ao I raira nanou ma te rawawatau ao te nanomaraki ae korakora.

Iobi 42:6 ပူးပေါင်းရင်းမြစ်များ

Karikani B'aai 18:27

Ao e a manga taku riki Aberaam, “Ko na kab'ara au bure te UEA ngkana I a manga taetae riki nakoim b'a bon akea boonganau, ao I aki riai n taetae.

1.Uea 21:27

Ao ngke e ongo aei Aaba, ao e raeuaaka ana kunnikai ao e karin i aona taiani baeki aika a mangaingai ni bong ao ni ngaina. E rawawata nanona ao e aki am'arake.

Etira 9:6

ao I tataro ni kaangai: I a bon rangi ni mamaa ni kaaitarako te UEA ae te Atua. A tia n taoniira ara bure ma ara kaairua n ai aron te ieka ae e rooti taiani karawa.

Iobi 2:8

Ao e nako Iobi n tekateka i rarikin te tabo ni maange, ao e anaa te maibi ni katiibu ni kakaara iai kaboana.

Iobi 30:19

E kab'akaai rikaaki i nanon te bokaboka, ao I riki b'a te b'ai ae akea manenana kaanga te bubu ni baareka.

Iobi 42:5

Ngkoa, I ti atai baika I kaongoaki mai rouia aomata tabem'aang i bukim, ma ngkai, I a tia n nooriko ni matau.

Iobi 42:7

Ao i mwiin banen Ana taetae te Atua nakon Iobi, ao E taku nakon Eribati, “E maraki nanou i roum ma raoraom ake uoman, i bukina b'a kam aki taekina te koaua i buku n aron are e karaoia naba Iobi.

Iobi 9:31

E tewenakoai te Atua nako nanon te rua ae kammaira, n te aro are a rangi ni kam'araa kunnikaiu iai.

Taian Areru 51:17

Au karea bon te tamnei ae nanorinano, Te Atua; Ko aki riba te nano ae uruaki ae raraoma.

Itaia 5:5

Ao ngkai N na tuangko b'a tera ae N nang karaoia. N nang korei aroka ake oona ao N na kab'akai atiibu. E na toubekaaki au nne n aroka ni kureebe ma n tiku n uruaki.

Itaia 58:5

Tao kam taku b'a e tangiringkami te UEA b'a kam na toki man ami aki am'am'arake ma ami nanorinano are kaanga te buakoako n aroka ae e raranako? Ke Tao ni karina te kunnikai ae e mangaingai ma n tekateka i aon taiani mannang? Bon aei te b'ai ae e tangiria n te bong n taromauri?

Ieremia 31:19

Ngke ti uarereke ngkoa, ti m'aninga nako ao ti bure, ma i mwiina ti uringaaba n te b'ai ae ti a tia ni karaoia. Ti mamaa ao ti b'ainrang. ao ti tangiria n okiriko.”

Etekiera 16:63

N na kab'araa am bure, ma ko na riai ni iangoi am bure ma ni mamaa iai n te aro are ko na aki kakarongoa. Bon aei au taeka Ngai ae te UEA.

Etekiera 20:43

Ao i mwiina, kam na uring ami bure aika a buakaka, ao kam na ribaingkami i bon iroumi i bukin karaoan b'aai aika a buakaka. A karaoingkami b'a kam na aki butim'aeaki irou,

Etekiera 36:31

Kam riai n uring aromi aika a buakaka ao kam riai n ribaingkami i bon iroumi n te b'ai ae kam a tia ni karaoia.

Etekiera 6:9

Ike a na tauaki b'a buure. Ane a na uringai, ao a na ataia ae a tia ni kab'ainrangai ngke a kakaitaraai ao ngke a taromauriia taian bouannanti. Ane a na ribaia i bon irouia i bukin m'akuri aika a buakaka aika a tia ni karaoi,

Taniera 9:3

Ao I kakorakoraai n tataro nakon te Uea ae te Atua, mani kairoro, man aki mamatam, mani karinii kunnikai aika a mangaingai, ao n tekateka i aon te mannang.

Nakoaia Ibonga 13:12

Ngkana arona b'a e raka nako te aoraki ma ni kaona rab'atan te aomata mai atuuna nakon waena,

Mataio 11:21

ao E kangai, “A na reke kaimi kaaini Koratin! A na reke kaimi kaaini Betetaita! B'a ngke arona b'a a tia ni karaoaki m'akuri aika kamimii i Turo ao i Titon, ake m'akuri ake a karaoaki i Koratin ao i Betetaita, ao kaain Turo ma Titon a na kamani karin i aoia kunnikai ake a b'ab'ainaki n tain te rawawata, ma ni kabiri mataia ni mannang b'a kaotan rairan nanoia.

Ruka 10:13

E na reke kaim Koratin! E na reke kaim Betetaita! B'a ngke arona b'a a tia ni karaoaki m'akuri aika kamimii i Turo ao i Titon ake a karaoaki i nanomi, ao a kaman rairi nanoia, n tekateka i buakoni mannang ma kunnikaia aika b'ab'ainaki n tain te rawawata.

Iotua 7:6

Ao a raeuai kunnikaia Iotua ma ana mataniwi, ao a iakiaki i aontano i matan Ana Ati ni Berita te UEA ni kabongnga, ao a tauni atuia n te baareka ni kaota rawawataia.