Iobi 42:11 - Te B'aib'ara

¹¹ Ao a bane n roko tarin Iobi ma m'anena ni kawaria n am'arake ni kukurei ma ngaia n ana auti. A kaota reitakiia n te rawawata, ma ni kabebetea i bukin taiani kangaanga ake E karokoi te UEA i aona. Ao Ngaiia n tatabemaniia nako, a anganna tabeua te m'ane, ao te m'am'a te koora.

Iobi 42:11 ပူးပေါင်းရင်းမြစ်များ

Karikani B'aai 24:22

Ao ngke a bane raoi ana m'akuri neierei, ao e anaa te m'am'a te koora ae bobuaka Erietera, ao e katinea i b'airina, ao taian burenibai aika koora aika buubura i aon anganibaina.

Karikani B'aai 24:53

Ao e kaotinakoi ma n anga taian kunnikai ma tirewa, ao taiani koora aika tamaroa nakon Nei Rebeka. Ao e anga naba taiani b'aintangira aika bobuaka nakon m'anen Nei Rebeka ma tinana.

Karikani B'aai 37:35

Ao a bane n roko natina mm'aane ma natina aine ni karaua nanona, ma e rawa ni karauaki nanona, ao e taku, “N na nakon ruanimateu, N na mate ma n taunaki.” Ao e a manga reitanako naba tanginiweneina i bukin natina are Ioteb'a.

Iobi 16:5

I kona ni kakorakorai ngkami ni wiiu, ao ni karekea te rau nako imi n au taeka.

Iobi 2:11

Raoraon Iobi ake teniman bon Eribati man te kaawa ae buubura are Teman, Biretata man te aba are Tua, ao Toob'a man te aba are Naama. Ngke a ongo rawawatan Iobi, ao a iangoa m'anangaia ni kawaria ni kabebetea nanona.

Iobi 4:4

n tia ni kairiia ao ni kakorakoraia ake a kainanoa buokaia.

Taeka n Rabakau 14:20

Bon akea raoraom ngkana kam maiu ni kainano, ma a na bon rangi ni m'aiti raoraom ngkana kam kaub'ai.

Taeka n Rabakau 16:7

Ngkana ti kakukureia te UEA ao a na bon kan raoraoniira naba ara kairiribai.

Ioane 11:19

ao a m'aiti I-Iutaia ake a tia n roko irouia Mareta ma Nei Maria ni kabebetei nanoia i bukini mateni m'aneia.

I-Rom 12:15

Kam na kim'areirei ma akana kim'areirei; kam na tang ma akana tang.

1.I-Korinto 12:26

Ngkana e maraki b'ain te rab'ata teuana, ao a bane naba ni maraki b'ain nako te rab'ata ma ngaia; ao ngkana e karineaki b'ain te rab'ata teuana, ao a bane b'ain nako te rab'ata ni kim'areirei ma ngaia.

Ebera 12:12

Ma ngaia ae kam na karekei angini baimi akana kainikamate, ma waemi akana a mamara bubuaia,

Ebera 13:3

Ururingiia akana kabaeaki b'a buure b'a kanga ai aron ae kam kabaeaki ma ngaiia; ao akana b'ainikirinaki n ai aron ae boni ngkami naba ngaiia n rab'atami.

Iotua 24:32

A uoti riin Ioteb'a aomatan Iteraera mai Aikubita, ao a taunna i Tekem are te m'akoro n aba are e kabooa Iakob'a ngkoa n tebubua te m'akoro n tirewa mai roun natin Amora are taman Tekem. E b'ainaki te m'akoro n aba aei i rouia kanoan Ioteb'a.

1.Tamuera 10:27

Ma a taku tabeman aomata aika nanobaba aika akea maneia, “E na kanga Tauro ni kamaiura mairouia ara kairiribai?” A aki tangiria b'a e na uea Tauro i aoia, ao a aki uoti naba taiani b'aintangira nako ina. Ma e taotaona nanona Tauro.