Iobi 38:28 - Te B'aib'ara

²⁸ E koaua b'a iai taman te karau ma te aoi?

Iobi 38:28 ပူးပေါင်းရင်းမြစ်များ

Karikani B'aai 27:28

Ke E anganiko te Atua aoin karawa, ma ni uamaria abam. Ke E anganiko taian uanikai aika uangingi, ao wain aika moan te bati.

Karikani B'aai 27:39

Ao e a taku Itaaka nako ina, “Akea te aoi mai karawa i bukim, Akea te tawaana ae mari nakoim

2.Tamuera 1:21

Ko na aki kab'aka te aoi ke te karau i aon tabukin nako Kireboa. Ko na aki karikirakei taian uita n te tawaana i bukin karikirakean taian uita i bukin taian karea nakon te Atua. A takanana aia otanga taani buaka n taiani bokaboka, ao e a tiku oin ana otanga Tauro n aki karaneaneaaki.

1.Uea 17:1

Eria bon te burabeti mai Titibe i Kireata. Ao e nakon Aaba n te bong teuana ao e taku, Bon ana Toro te UEA ae E maiu, ae Atuan Iteraera ngai. Ao I tuea n arana b'a e na bon aki b'aka te karau ni karokoa te tai are I a manga taetae iai b'a e na b'aka. Ao a na bon akea naba te aoi ae e na ruo nako aon te tano.

Iobi 29:19

I riki ngkoa b'a kaanga te aroka aika teimatoa wakaana ni mena i nanon te ran, ao aki toki ni m'aim'ai baana n te aoi.

Iobi 36:27

Bon te Atua ae anaa te ran mai aonteaba, ao E onikia nakon te timtim ni karau.

Iobi 36:28

E kab'aroa te karau man taian nang, b'a taiani karau nako ia aomata ni kabane.

Iobi 38:8

Antai ae kaina te mataroa n tuuka rinin taari ngkana a b'aroa aonteaba?

Taian Areru 147:8

E kaona karawa n taian nang; E katauraoa te karau i bukin aon te aba ao E karikirakei uteute i aoni maunga.

Taeka n Rabakau 3:20

N ana ataib'ai e katabwena marawa are i karawa ao e kanakoa nangnikarau ao e kab'aka te karau.

Ieremia 10:13

A rurunga raan ake n taiani karawa n am taeka. Ko kabetirakei naang ko kanakoi taian ang man am autinib'ai ao ko karaoa te iti i nanon te karau.

Ieremia 14:22

A aki konaa ni karokoa te karau taian bouannanti, ao a aki konaa ni b'aka tamruru ni karau i bon irouia. Bon ti Ngkoe ae Ko konaa n taua aron te karau, ma ngaia are, ti katikui ara onimaki iroum, Ngkoe ae te UEA ae Atuara.

Ieremia 5:24

Kam rawa ni kaangai, “Ti a taromauria te UEA! Boni Ngaia ae e karoorokoa te karau n te aumeaang ma te aumaiaki. ma n anganiira uaan te tai ae e tamaroa.”

Otea 14:5

N na riki b'a kaanga te aoi ao ane kam na kaurei ueemi kaanga taiani kiebu ao a na riki wakaami b'a kaanga taian aroka.

Ioera 2:23

Kaain Tion, kam na nebonebo mani karinea te UEA ae Atuami! E tituaraoi b'a E karokoa karaun te aumaiaki ma te aumeaang n taina.

Amota 4:7

I taua naba te karau b'a e na aki b'ab'aka i aon arokami. I kab'aka te karau nakon aon te kaawa teuana ao I aki kab'aka nakon te kawa teuana. E b'aka te karau n te tawaana teuana ao a mate arokan te tawaana teuana.

Mataio 5:45

b'a kam aonga n riki b'a natin Tamami are i karawa iai; b'a E kaota ana taai i aoia akana buakaka ma akana babakanikawai.

Te Tua-Kaua 33:13

Kanoan Ioteb'a, e na kakab'aiaingkami te UEA n te ran ae e raoiroi man taian m'anib'a aika nano ao man te aoi mai karawa.

Te Tua-Kaua 33:28

Kaain Iteraera, kam na maeka ma te rau; a na maunanako ami kairiribai. E na b'aka te aoi mai karawa, ao a na rangi ni m'aiti ami uita ao ami wain.