Iobi 38:19 - Te B'aib'ara

¹⁹ Ko ataia b'a e nako mai ia te oota, ke tera oin rikin te rotongitong?

Iobi 38:19 ပူးပေါင်းရင်းမြစ်များ

Iobi 26:10

E korea te mronron i aon taari b'a te tia i marenan te oota ma te roo.

Iobi 38:18

Ko ataia b'a buburara te aonnaba? Ko na kaekaai ngkana ko ataia

Iobi 38:20

Ko kona ni kaotia nako ia b'a ab'akira kawaia, ke ni manga konaa ni kaokia?

Taian Areru 104:20

Ko karika te roo, ao a bane n oti nako manin buakonikai n te bong.

Taian Areru 105:28

E karooa aon te aba, ma a aki ongeaba n ana taeka.

Taian Areru 18:11

E rabunna n te roo; E otab'aniniaki n nangi ni karau aika matenten.

Itaia 45:7

I karika te oota ao te roo, te kukurei ao te nanokawaki. Boni Ngai ae te UEA ae I karaoi baikai ni kabane.

Ieremia 13:16

Ko kaantaningaa te oota, ma e na kanakoa te roo te UEA. E a kaman mena nuun te tairiki i aon taian tabuki. Ma ngaia are, kam na oki nakon te Atua ao kam na kaoti ami bure nakoina i m'aain ae a bae waemi ma ni b'aka.

Etekiera 32:8

E na riki n roroo taiani karawa, ma ni karootongitonga abami. Bon aei au taeka Ngai ae te UEA.

Amota 4:13

Bon te Atua ae karaoi taian Maunga ao E karikii naba aang. E kaoti ana iango nakoia aomata E onika te ngaina nakon te tairiki ao n nakonako i aon tabuki. Bon te UEA Ngai ae E m'aaka!

Mataio 27:45

Ngke e a tawanou, ao e roo aon te aba ni kabane ni karokoa te aoa tenua n te tanimaeaontaai.

Ioane 1:9

Bon arei te Oota ni koaua, are E roko i aon te aba, ao E oota i aoia aomata ni kabaneia.

Ioane 8:12

E a manga taetae Iesu nakoia aomata, ao E taku, “Ngai te oota nakoia aomata i aonnaba. Ane irai, ao e na bon aki nakonako n te roo, ma e na reke i rouna te oota are na anganna te maiu.”

Te Tua-Kaua 4:19

Ao ngkana kam noora nam'akaina ke taian itoi, ao kam na aki bobaraaki n taromauriia. E bon katikuia te UEA ikekei b'a aonga n taromauriaki irouia botannaomata tabeua.