Iobi 37:19 - Te B'aib'ara

¹⁹ Reireiniira ara taeka nakon te Atua; a nanoroo nanora, akea te b'ai ae ti na taekinna.

Iobi 37:19 ပူးပေါင်းရင်းမြစ်များ

Iobi 12:3

I bon atai naba baikana kam atai, I aki babanga riki nako imi. A bane n ataaki baikana kam taekini.

Iobi 13:3

Bon ti te b'ai i marenau ma te Atua, ao tiaki i marenau ma ngkami; I tangiria ni kauntaeka arou ma Ngaia.

Iobi 13:6

Tai kakarongoa ngkana I kaeta taekau, ao kakauongo nakon au kauntaeka.

Iobi 26:14

Ma bon ti bururun m'aakana, ao ti neaan naba rongorongona aika ti ongo. B'a antai ae kona n ataa raoi korakoran m'aakana?

Iobi 37:20

I aki kan taetae ma te Atua; e aera b'a N na anganna Ana tai b'a E na tiringai?

Iobi 38:2

Antai ngkoe ngkai ko nanououa ni wanawanau, n aron am taeka aika akea nanoia?

Iobi 40:4

I taetae ni baba te UEA, tera ae N na kona ni kaeka? N na bon aki kataia n taekina riki te b'ai teuana.

Iobi 42:3

Ko titiraki b'a I kangaa n aki onimakina rabakaum ngke bon te nanobaba Ngai. I taekini b'aai aika I aki atai aroia, b'aai aika a rangi ni kamimii i Rou, aika I aki kona n atai aroia.

Iobi 9:14

Ma ngaia are N na kanga ni kakaei au taeka ake N na kabooi iai Ana taeka te Atua?

Taian Areru 139:6

E kamimii irou te ataib'ai aei; e ri aon au atatai.

Taian Areru 73:22

E roo nanou, ao I aki ataib'ai, Kanga ai aron te man ngai i matam.

I-Rom 8:26

Ao ai aron naba te Tamnei b'a E buobuokira ni mamarara: b'a ti aki ata arora n tataro ae riai, ma E bubuti te Tamnei i bukira ni ngirangira aika a aki konaaki n atongaki aroia.

1.I-Korinto 13:12

B'a ae ti noria ngkai ai aron tein taraana ae aki turuturu raoi i nanon te tirotaam; ma ane ti na bon noria raoi n te aro n itaramata. E aki koro raoi aron au atatai ngkai, ma ane na boni koro raoi arona rimwi, n ai arou ngkai I bon ataaki raoi.

1.Ioane 3:2

Ngkami aika kam tangiraki, bon natin te Atua ngaira ngkai; ao e tuai ni kaotaki b'a terana arora rimwi. Ti ataia, b'a ngkana E a manga oki Kristo, ao ti na katotonga arona, i bukina b'a ti na nora arona ni koaua.