Iobi 37:18 - Te B'aib'ara

¹⁸ Ko kona ni buoka te Atua n arora karawa ma ni karaoia b'a kaanga te biti ae matoatoa?

Iobi 37:18 ပူးပေါင်းရင်းမြစ်များ

Iobi 37:17

Ko bon aki. Ko ti ataia b'a ko kabuebue ngkana e ukiko te ang maiaki.

Taian Areru 104:2

Ko otab'aniniaki n te oota b'a kanga niniram. Ko taakina karawa b'a kanga te roki.

Taian Areru 150:1

Kam na kamoamoa te UEA! Kam na kamoamoa te Atua ae mena n ana Tembora! Kam na kamoamoaa te Atua ae mena i karawa ae nnena ae kawakinaki raoi!

Te Otinako 38:8

Ao e karaoa naba te boora te buraonti ae e buubura ao te kaintei man te buraonti aia tirotaam aine ake a buobuoki ni mataroan te Um'antabunrianna.

Taeka n Rabakau 8:27

I mena ikekei ngke e katikui taiani karawa te UEA ni nneia ma n taakina nako karawa i aon taari.

Itaia 40:12

Iai mai roumi ae e baairea te marawa n ti ngaia ke n taakina karawa n oini baina? Ngkoe ae ko kaaki te tano n te aonnaba i nanon te b'aketi ke n taua rawaawatan taian tabuki ao taiani maunga i aon te kainikatine?

Itaia 40:22

Bon te Atua ae e tautaekana te aonnaba ni kabane, ao ngaira aika ti maeka ikai bon ti taian man aika a uarereke. E taakin nako taiani karawa kaanga te kunnikai ke te autinrianna ae e aki rokinaki.

Itaia 44:24

Iteraera, bon ami UEA Ngai. Boni Ngai boton maiumi. ao I a tia ni kamaiungkami. I kariki b'aai nako ma i karawa i eta nakon te aba i nano.

Itaia 45:12

I karika te aonnaba ao I kaonna irouia aomata; I arora nako karawa ao I kaonna n taian itoi.

Ieremia 10:12

Ko karaoa te aonnaba ao ko taakin taiani karawa ni wanawanam ao m'aakam.

Tekaria 12:1

Aio te rongorongo mairoun te UEA i bukin Iteraera: Bon te UEA Ngai! I arora nako taiani karawa; I kaaki te aonnaba i aon aana ao I anga te ikeike ni maiu nakoia aomata.