Iobi 37:16 - Te B'aib'ara

¹⁶ Ko ataia b'a a kanga ni beibeti taian nang i karawa, aika na m'akuri te Atua aika kamimii?

Iobi 37:16 ပူးပေါင်းရင်းမြစ်များ

Iobi 26:8

E kabaei raan i nanon Ana nang aika matenten, ao E kaawakinna b'a e na aki raeuaaki n te rawawata.

Iobi 36:29

Bon akea ae ataa butin taian nang, ke aron rurungaan te baa ri karawa, n te tabo are E maeka iai te Atua.

Iobi 36:4

Bon akea te b'ai ae bure ae I taekinna nako im, b'a e mena ngkai i matam te aomata ae wanawana raoi.

Iobi 37:14

Kainab'aabu teutana Iobi, ao kakauongo; iangoi b'aai aika kamimii aika E karaoi te Atua.

Iobi 37:15

Ko ataia b'a E kanga te Atua n anga Ana mwioko ma ni karika te iti man te nang?

Iobi 37:17

Ko bon aki. Ko ti ataia b'a ko kabuebue ngkana e ukiko te ang maiaki.

Iobi 37:5

Ngkana E kanakoa Ana babaaire te Atua, ao a kaoti baika kamimii aika tiaki kona n atai aroia.

Iobi 5:9

Ti aki kona n atai b'aai aika ab'ab'aki aika E karaoi, ao bon akea tokin m'aitin Ana m'akuri aika kamimii.

Taian Areru 104:24

Te UEA, ai batiraa am M'akuri! Ko a rabakau ra ni karaoi! A on aonnaba ni baika iai te maiu iai.

Taian Areru 147:5

E kakannato ara Uea ao E korakora; akea tokin ana atatai.

Taian Areru 78:4

Ti na aki karabai mairouia ara ataei; Ti na tuangiia kaain te roro ae i mwira taekani m'akan te UEA ma m'akuri aika ab'ab'aki ma ni kamimii ake E a tia ni karaoi.

Itaia 40:22

Bon te Atua ae e tautaekana te aonnaba ni kabane, ao ngaira aika ti maeka ikai bon ti taian man aika a uarereke. E taakin nako taiani karawa kaanga te kunnikai ke te autinrianna ae e aki rokinaki.