Iobi 37:13 - Te B'aib'ara

¹³ E kanakoa te karau te Atua n teboka te aonnaba. N tabetai ao E kanakoa i bukin katuaaia aomata, ao n tabetai E kanakoa ni kakab'aiaia aomata.

Iobi 37:13 ပူးပေါင်းရင်းမြစ်များ

2.Tamuera 21:10

E taakin taian kunnikai aika a mangaingai i aon te b'aa ake i rarikina. E aki tangiria mannikiba b'a a na tikubara i aoia ma i nanon te ngaina, ao e kakionakoia maan aika a aki manana n te tairiki. E tiku ikekei mani moan rokon tain te tai ni karokoa e a tabe ni kakarau.

2.Tamuera 21:14

Ao i mwiina, e anga ana taeka i bukin riia m'aane ake a tia ni kabaeaki roroaia b'a a na taunaki naba ikekei. Ao e karaoaki nanon arei, ao E kaekai taian tataro te Atua ni kakab'aia te aba.

1.Uea 18:41

Ao e taku Eria nakon Aaba, “Karekea kanam ao am'arake b'a I ongo rurungaan te karau ae e korakora ae e a tabe n roko.”

1.Uea 18:45

Ao i mwiin tabeua te tai, ao e tabe n uananginang karawa ma n angang, ao e a tabe ni b'aka te karau.

Etira 10:9

I mwiin tenua te bong, n te kauabwi ni bong n te karuaiwa n nam'akaina, A bane n roko i Ierutarem aomata mai Iuta ao Beniamin ao a tekateka ni katawanangin te Tembora. Bon te kabowi ae e aki manikangare b'a a tekateka i aan te karau ikekei, ma n ruru ni mariri.

Iobi 36:31

Ao bon aei arona ni kam'arakeia aomata ma ni kataubobongai am'arake aika rangi ni m'aiti.

Iobi 37:14

Kainab'aabu teutana Iobi, ao kakauongo; iangoi b'aai aika kamimii aika E karaoi te Atua.

Iobi 37:6

E baairea kab'akaan te tinoo i aonteaba, ao E kanakoa te raanga ni karau ae korakora.

Taian Areru 65:10

Ko kab'aka te karau ae korakora n tawaana ake ana unikaki aoia ao ni kaboraoi tabuki bukina. Ko kamaraua raoi tanona n te karau, ao Ko kakab'aia te tano b'a e na kariki aroka.

Ioera 2:23

Kaain Tion, kam na nebonebo mani karinea te UEA ae Atuami! E tituaraoi b'a E karokoa karaun te aumaiaki ma te aumeaang n taina.