Iobi 36:7 - Te B'aib'ara

⁷ E kakawakiniia aomata aika raoiroi; E kariaia b'a a na tautaeka b'a kaanga taiani uea, ao E karaoia b'a a na karineaki n aki toki.

Iobi 36:7 ပူးပေါင်းရင်းမြစ်များ

Karikani B'aai 23:6

“Nao, Ko na ongora i roura. Ti nooriko b'a bon te tia kairiri ngkoe ae ko korakora, ma ngaia are, ko na tauna rab'atan buum n te ruanimate ae te kabanea n tamaroa mai buakon ara ruanimate. Ti bane ni kukurei n anganiko ara ruanimate b'a ko aonga ni kona n tauna rab'atan buum iai.”

Karikani B'aai 41:40

N na rineiko b'a ko na tararua abau ni kabane, ao a na bane aomata n ongotaeka nakon am taeka. Ko na riki b'a au kauoman.

2.Rongorongo 16:9

E teimatoa te UEA n tataraia aomata ni kabane, ao e anga te korakora nakoia ake kakaonimaki n ongotaeka i rouna. Ma ngkoe, ko a tia ni karaoa te m'akuri n nanobaba, ao e na bon aki konaa ni manga reke riki te rau n abanueam.

Etita 10:3

E kauoman Morotekai are te I-Iutaia i aan te uea are Keatiti. E karineaki, ao e rangi n tangiraki irouia raona n I-Iutaia. E m'akuri i bukin kab'aiaia ana aomata, ao i bukin kamanoaia aia kariki ni kabane.

Iobi 1:3

ao iai naba ana man aika itiua te nga te tiibu, tenua te nga te kamero, teuana te nga te kao, ma a kabaeaki ni kakauoman. Bon iai naba ana taani m'akuri aika rangi ni m'aiti, ao bon ngaia naba te kabanea ni kaub'ai n aomata n aaba ake i mainiku.

Iobi 22:29

E kab'akaia aika kainikatonga te Atua, ao E kamaiuia aika nanorinano.

Iobi 31:4

E atai b'aai ni kabane aika I karaoi te Atua, ao E atai naba rangatan waeu.

Iobi 4:7

Akea te aomata ni koaua ae aki atatai ae mate n uarerekena.

Iobi 42:12

Ao E kakab'aia nikirani maiun Iobi te UEA nakon bongin maiuna are rimoa. Ao E b'aini 10,000 te tiibu Iobi, ma 6,000 te kamero, ma 2,000 te kao, ao 1,000 te aati.

Iobi 5:11

Eng, bon te Atua ae kateirakea te aomata ae nanorinano, ao E kakukureia aika tangi ni wenei ni kabane.

Taian Areru 33:16

E aki tokanikai te uea i bukina b'a e korakora ana taanga ni buaka; Ao e aki tokanikai te tautia i bukini korakorana.

Taian Areru 33:18

Ma te UEA, E tatarataraiia akana karinea, Akana onimakina ana tangira ae teimatoa.

Taian Areru 34:15

E aki kaaki matana te UEA mairouia akana raoiroi; ao E ongo ni b'anaaia ni bubuti.

Taian Areru 34:16

Ma E ekianako nako akana buakaka, b'a ngkana a mate, ana bon akea naba ururingakiia teutana.

Taian Areru 41:12

Ko buokai i bukin ongeabau nako Im, Ao Ko na katukai i rarikim n taai nako.

Itaia 22:23

E na kamatoa te UEA nakon nakoana n ai aron matoan neeran te autinrianna ae e unikaki n te tano, ao Eriakim are e na uota neboakin ana utu.

Teb'ania 3:17

E bon mena iroum te UEA ae Atuam Ko na tokanikai ni m'aakana. E kukurei te UEA iroum ao E na anganiko te maiu ae e boou n ana tangira. E na anene ni kim'areirei i aom.

2.I-Tetaronike 3:3

Ma E kakaonimaki te Uea; E na kateimatoaingkami ma ni kawakiningkami mairoun teuare buakaka.

1.Betero 3:12

B'a E tarataraia akana raoiroi te Uea, ao E ongo aia tataro, ma E ekianako akana karaoa ae buakaka.”

1.Tamuera 2:8

Ko tabekiarake aomata aika kainano ao aika akea mwengaia Ko anaia mai buakon turam ni maange ao Ko anganiia te nne ae karineaki i nanon taiani bareti. Ko katea te aonnaba i aon taian aana, ao bon am b'ai.