Iobi 36:22 - Te B'aib'ara

²² Ko na uringa korakoran m'aakan te Atua, boni ngaia te kabanea n tia reirei ae korakora i aon b'aai nako.

Iobi 36:22 ပူးပေါင်းရင်းမြစ်များ

Iobi 21:22

E koaua b'a e kona te aomata n reireina te Atua are boni Ngaia ae motikitaeka n taabo aika rietaata?

Iobi 25:2

E m'aaka te Atua; a riai ni mimi b'aai ni kabane i matana, E kateimatoa te rau i abanueana are i karawa.

Iobi 33:12

Ma I tuangko Iobi, b'a ko bure. E korakora riki te Atua nako ia aomata nako.

Iobi 35:11

A aki rairaki nakon te Atua, ae karaoira b'a ti na wanawana riki nako ia manin aonteaba, ma mannikiba aika wanawana.

Taian Areru 119:102

I a tia n ongeaba nakon am Taeka n reirei, Ngkai bon au Tia Reirei Ngkoe.

Taian Areru 25:5

Reireiai b'a N na maiuakina am Koaua, B'a Atuau Ngkoe ae Ko kamaiuai. I aki toki n onimakiniko.

Taian Areru 75:7

Bon te Atua ae motikitaeka, ni kabuakakaia tem'angina ao ni karaoiroia tabem'aang.

Taian Areru 94:10

Ngkae E boaiia botannaomata nako, ao tiaki b'a E kona ni kareke kaiia ara mataniwi aika buakaka? Ao ngkai te tia reirei Ngaia nakoia aomata nako, ao tiaki b'a e riai n iai te ataib'ai i rouna?

Taian Areru 94:12

Te UEA, ai kab'aia ra te aomata ane Ko reireinna, Ane Ko reireinna taekan am Tua!

Itaia 14:5

E a tia ni kamanatuai m'aakaia uea ake a buakaka te UEA,

Itaia 48:17

ma taian rongorongo aika: Kaain Iteraera, Bon te UEA ae te Atua ae e tabu Ngai, are e kamaiungkami. bon i bukimi, I reireiningkami, ao I kairingkami i aon te kawai ni koaua.

Itaia 54:13

N na reireiniia natimi ao N na karaoia b'a a na teetekeraoi.

Ieremia 31:38

E taku te UEA: N te bong teuana, e na manga riki b'a Au b'ai Ierutarem. E na manga kateaki ma tiana ake a biri man te Taua are Ananera nakon te Mataroa are Koona.

Taniera 4:25

Ko na kakioaki nako man te kaawa, ao ko na maeka ma maan aika a moaanti. Ko na kang uteute n ai aron te kao, ao ko na matu n te tabo ae e katawanang, n te aro are e na ruoniko te aoi, ao e na riki aei nakoim i nanon itiua te ririki. Ao ko na okira te Atua n tokina, ao ko na kakoaua b'a boni Ngaia ae E taua taekan ueaia aomata ni kabane, n te aro are E kona n anai ao ni manga anganiia tabem'aang ake E bon taku.

Taniera 4:32

Ao ane ko na kakioaki nako man te kaawa, ao ko na maeka ma taian man aika a moaanti, ao ko na kana te uteute n ai aron te kao i nanon itiua te ririki. Ao ane ko na kakoaua b'a iai m'aakan te Atua ae e m'aaka i aon ana tautaeka te aomata, ao E kona n anga nako ngaiia nakon temanna are E bon taku.

Taniera 5:18

“Nooria te uea, bon te Atua ae e m'aaka ae E karika taman Nebukaneta b'a te uea ae e korakora, ao E anganna te m'aaka ma te karineaki.

Ruka 1:52

E kab'akaia akana korakora man aia kaintokanuea, ao E karietataia akana mangori;

Ioane 6:45

E koreaki irouia burabeti ae kaangai, ‘A na bane aomata nako n reireiaki iroun te Atua. E riki b'a au reirei te aomata ane ongo ma n reirei iroun te Tama.

I-Rom 13:1

Ke a ongeaba aomata ni kabaneia irouia ake a tautaeka i aoia: b'a ti te Atua ae angan te aomata te m'aaka n tautaeka, ao Ngaia naba ae E kateia aika tautaeka ngkai n nakoaia.