Iobi 36:17 - Te B'aib'ara

¹⁷ Ma ngkai, ko a katuaaeaki ni bon uaan mwiin am m'akuri.

Iobi 36:17 ပူးပေါင်းရင်းမြစ်များ

Iobi 16:5

I kona ni kakorakorai ngkami ni wiiu, ao ni karekea te rau nako imi n au taeka.

Iobi 22:10

Ao ngkai a otab'aniniiko taian rua, ao ane ko na onrake n te maaku n te tai ae waekoa.

Iobi 22:11

E roko te rotongitong ae ko aki kona n noora iai te b'ai teuana, ao e rabuniko te ieka.

Iobi 22:5

Tiaki ngaia anne, ma E karaoa anne i bukina ngke bon te tia bure ngkoe.

Iobi 34:36

Iangoi b'aai ni kabane aika e taekin Iobi, ao ane kam na nooria b'a e taetae n aron te aomata ae buakaka.

Iobi 34:7

Ko a tia n nonora te aomata ae aekakin Iobi? E aki kukubara te Atua.

Iobi 34:8

E tatangiriia raoraona aika aomata aika buakaka, ao e airiiri ma taani bure.

Taeka n Rabakau 11:21

Kam boni konaa ni kakoauaa aei: A bane ni katuaaeaki aomata aika kewetaia, ma a aki katuaaeaki ana aomata te Atua.

I-Rom 1:32

A bon ata ana taeka te Atua ae kaangai, A riai mateia akana karaoi baikai. A aki ti kakaraoi baikai, ma a boni kaoti naba nanoia aika kukurei ngkana a karaoaki baikai irouia tem'angina.

Te Kaotioti 18:4

Ao I ongo te b'ana teuana mai karawa b'a e kaangai, “Au aomata, kam na oti nako mai rouna! Kam na aki buokanib'ai ma ngaia n ana bure; ao kam na aki buokanib'ai naba ma ngaia ni katuaeana!