Iobi 36:11 - Te B'aib'ara

¹¹ Ngkana a ongotaeka i roun te Atua ma n toro i Rouna, ao a na kabanei maiuia n te rau ma te tabomoa.

Iobi 36:11 ပူးပေါင်းရင်းမြစ်များ

2.Rongorongo 33:13

E kakauongo te UEA nakon ana tataro Manate ao e noora raraoman nanona, ai ngaia are, e a karaoia b'a e na okira Ierutarem ma n tautaeka kaanga te uea. Ao e ataia man te tai anne Manate ae bon te UEA te Atua.

Iobi 21:11

A biribiri aia ataei, ao a takakaro n ai aroia tiibu ataei,

Iobi 21:13

A maiu i nanon te kukurei, ao a mate ma te rau n akea te maraki.

Iobi 22:21

Iobi, Ko riai ngkai n ioki ma te Atua, ma ni katoki arom nako Ina aika ai aron ana m'akuri te kairiribai; b'a ngkana ko karaoa aei, ao E na kakab'aiako.

Iobi 22:23

Okira te Atua ma te nanorinano, ao katoki b'aai ni kabane aika buakaka ake a kakaraoaki i nanon am auti.

Iobi 42:12

Ao E kakab'aia nikirani maiun Iobi te UEA nakon bongin maiuna are rimoa. Ao E b'aini 10,000 te tiibu Iobi, ma 6,000 te kamero, ma 2,000 te kao, ao 1,000 te aati.

Taian Areru 119:3

Akana aki karaoi m'akuri aika buakaka, ma a karaoa nanona.

Taian Areru 149:4

E kukurei te UEA iroun ana botannaomata; E karineia aika onimakinna n anganiia te tokanikai.

Taian Areru 16:11

Ko na kaota nako iu te kawai are e nakon te maiu; E kaonai n te kukurei rokom ao e anganai te kakatonga n aki toki.

Taeka n Rabakau 1:33

Ma ngkana kam ongo irou, ao kam na bon mano man taiani kabuanib'ai aika a kakamaaku.”

Itaia 1:19

Ngkana kam kukurei n ongotaeka irou, ao a na reke n arokan abami taiani kabanea n tamaroa ni uaa.

Ieremia 26:13

Kam na riai ni bita aroni maiumi ma b'aai aika kam karaoi, ao kam riai n ongotaeka i roun te UEA ae Atuara. Ngkana kam karaoa aei, ao ane E na bita nanona i bukin karokoan te kangaanga are e taekinna b'a e na karokoa i aomi.

Ieremia 7:23

Ma I ti kaangai nako ia, “Ngkana kam ongo i Rou ma ni karaoi b'aai aika I tuangngkami, ao N na riki b'a Atuami, ao ngkami kam na riki b'a Au aomata, ao a na akea ami kangaanga.”

I-Rom 6:17

Ma E na katituaraoaki te Atua, b'a ngke ana toro te bure ngkami, ma kam a tia ni kaaki i nanomi taiani koaua n reirei ake kam a tia n anganaki;

1.Timoteo 4:8

B'a bon iai teutana bonganani kataneiaan te rab'ata b'a e na marurung, ma te maiu n reitaki ma te Atua e bongana i bukini b'aai ni kabane, ngkai iai taeka n akoi, ae iai te kab'aia iai i bukin te maiu aei, ao i bukin te maiu ae na roko.

Ebera 11:8

I bukin ana onimaki Aberaam, ao e ongeaba ngke e weteaki iroun te Atua, ao e nako n te tabo are e na anganaki b'a abana; ao e m'ananga n aki ata ike e na nako iai.

Iakobo 5:5

Kam a tia ni maiu ni kaub'ai ma n iri kukurein rab'atami n te maiu aei. Kam a tia ni kamarikaingkami i bukin te bongi ni kamamate.

Te Kaotioti 18:7

Kam na kabatia marakina ma nanokawakina n ai aroni m'aitini kainikatongana ma arona ni maiu ni kaub'ai. B'a e kaangai i nanona B'aburon: ‘Bon te uea ae te aine ngai, ae I tekateka!; Ao tiaki te aine ae e mate buna ngai, ma ngaia ae N na bon aki kona n nanokawaki!’