Iobi 35:10 - Te B'aib'ara

¹⁰ Ma aki rairaki nakon te Atua are te Tia karikiia, are boni Ngaia ae anganiia te kaantaninga i nanon aia aoa aika rotongitong.

Iobi 35:10 ပူးပေါင်းရင်းမြစ်များ

Iobi 21:14

A tuanga te Atua aomata aika buakaka b'a e na katikuia i bon i rouia; a bon rawa ni kan ataa nanon te Atua i bukin maiuia.

Iobi 27:10

A bon riai ngkoa ni kainanoa te kakukurei are E anga, a riai ngkoa n teimatoa n tataro nako Ina.

Iobi 32:22

I babanga n anaa nanon temanna, E na bon katuaaeai te Atua ngkana I karaoa aei.

Iobi 36:13

A na teimatoa n un nanoia aomata ake akea atuaia, e ngae ngke a katuaaeaki, ao a bon aki kan tataro naba buokaia.

Iobi 36:3

E raababa au atatai, ao N na kamanena te b'ai ae I ataia ni katereterea te Atua ae au Tia karikib'ai b'a E bon eti.

Iobi 4:17

“Akea te aomata ae kona ni kororaoi i matan te Atua, ke ni itiaki i matan te Tia Karikia.

Iobi 8:21

E na manga kangareko n takaarua te Atua,

Taian Areru 119:62

N na teirake n te nukanibong ni katituaraoiko i bukin am Moti aika raraoi.

Taian Areru 149:5

A na kakatonga ana Aomata te Atua n reken aia tokanikai, Ao a na anene ni kim'areirei ni kangainaa.

Taian Areru 42:8

E na kaota ana Tangira ae Teimatoa te UEA ni ngaina, B'a e aonga n reke kunau n te tairiki, Ae au tataro nakon te Atua ae anganai te maiu.

Taian Areru 77:6

I kabanea aoan te tairiki n iaiango Ngke I iaiango, ao aio te titiraki ae rio i nanou:

Te Minita 12:1

Ururinga am Tia Karikib'ai mangkai ko uarereke! Ane ko na kaangai n ririki aika a na roko ngkana ko taonaki n te kaangaanga, “Bon akea kukureiu n te maiu aei.”

Itaia 51:13

I taakina nako taiani karawa ao I kawenea aan te aonnaba. Ma kam a tia ni m'aninga taekau, Ngai ae ami UEA ao te Tia Karikib'ai. Kam katoabong ni maakuia koraki aika a un nanoia ma n taku b'a a na kabuakakako. Ma a mena ia ngkai?

Itaia 54:5

E tautaekana te aonnaba ni kabane te UEA ae Moan te M'aaka ae Atuaia Iteraera ae e Tabu. Bon te tia karikiko ao buum, ao e na bon kamaiungkami.

Itaia 8:21

A na minomino ni maraki ao a na rangi ni baki n te aro are a na karereantia aia uea ao antiia. Ao ngkana a kataia ni kakaaea buokaia mai karawa

Ieremia 2:6

A rawa ami bakatibu ni buubutiai buokaia, e ngae ngke I a tia i kamaiuia mai Aikubita ma ni kairiia i nanon te rereua ae e kamaamate ae akea kain aona, ike akea ae maeka iai ke ni kataia ni m'ananga i nanona.

Ieremia 2:8

A aki kan ataai taian ibonga ake a reireiniia aomata au tua nako. A kakaitaraai ami taani kairiiri; ao ami burabeti a tataekina ana taeka B'aara ao a taromauriia atua ni kewe.

M'akuri 16:25

Ngke e a nukanibong ao a tataro B'auro ma Tira, ao a anene n neboa te Atua; ao a ongora aomata ake buure i rouia.

1.Betero 4:19

Ma ngaia aei, b'a akana maraki, ngkai bon nanon te Atua i bukiia, ao a na mwiokoi maiuia n aroia ni karaoa ae e raoiroi iroun te Tia Karikiia ae kakaonimaki.