Iobi 34:31 - Te B'aib'ara

³¹ Iobi, ko a tia ni kaoti am bure nakon te Atua, ao ni berita b'a ko na aki manga bure riki?

Iobi 34:31 ပူးပေါင်းရင်းမြစ်များ

Iobi 33:27

Ane a na taetae i mataia aomata ni kaangai, “I a tia ni bure, I a tia ni karaoa te b'ai ae aki raoiroi, ma e aki katuaaeai te Atua ngke I bon riai ni katuaeaki.

Iobi 34:30

E na bon akea te b'ai ae a na kona ni karaoia botannaomata n totokoia taan karawawataia aomata ake akea atuaia man aroia n tautaeka i aoia.

Iobi 34:32

Ko a tia ni butiia te Atua b'a E na kaoti am kaairua nako Im? Ao ko a tia ni kariaia b'a ko na katoka te m'akuri ae buakaka?

Iobi 42:6

Ma ngaia are, I mamaa ni b'aai ake I a tia n taekin, ao I raira nanou ma te rawawatau ao te nanomaraki ae korakora.

Taeka n Rabakau 28:13

Ngkana ko aki raraoma n am bure, ao e na aki koro bukin am iango. Ma e na akoiko te Atua ngkana ko kab'araa am bure ma n aki manga okiri.

Ieremia 8:6

I rangi ni kakauongo raoi, ma bon akea temanna ae e roko n te namakinna b'a e a tia ni karaoa ae e bure. Ao kam ira nako te kawai ae e kaairua n aki karaua n iangoia raoi kaanga taanga ni buaka ake a toka i aoia aoti aika a biri nakon te buaka.

Nakoaia Ibonga 26:41

Ngkana ko taekinna ma te nanorinano b'a ko a tia ni moana maiuakinan ae e eti,

Mika 7:9

Ti na bon riai ni kariaia katuaeara iroun te UEA n te tai moa aei, b'a ti a bon tia ni bure nakoina. Ma n tokina, E na manga bon tei i bukira ni kamaiura, ao ni kaeti kaairuan m'akuri ake a tia karaoi nakoira. E na uotiira nakon te oota; ao ti na teimatoa ni maiu ngkana E roko ni kamaiura.

Warekaia Iteraera 22:34

Ao e kaeka B'araam ao e taku, “I a tia ni kaairua, I aki roko n te ataia ae ko kataia ni katokai. Ngkana ko taku b'a N na aki nako, ao n nang okira au auti n te tai naba aei.