Iobi 34:20 - Te B'aib'ara

²⁰ Ti na karina ni mate n te tairiki. E oroira te Atua ao ti mauna nako. E tiringiia aika korakora ao akea Ana kangaanga iai.

Iobi 34:20 ပူးပေါင်းရင်းမြစ်များ

Iobi 12:19

E karinanoi nanoia ibonga, ao aomata aika iai te m'aaka i rouia.

Iobi 27:20

E na roko i aoia te b'ai ae kakamaaku, kaanga rokon te ieka, ao a na ubara nako n te ang ae oro n te tairiki;

Iobi 34:25

I bukina ngkae E atai baika karaoi, ngaia are E karaanga nakoia, ao E kamanatuaia n te tairiki.

Iobi 36:20

Tai ienikuriia rokon te tairiki, are te tai are a na mauna nako iai botannaomata.

Taian Areru 73:19

A mate nabangkekei; A roko n tokiia ae kakamaaku.

Itaia 30:13

Ti te bo te bure aei ma te tabwena are e karika waekoani b'akan ao maenikunin

Itaia 37:36

E kanakoa te anera te UEA nakon aia kaemb'a kaain Aturia, ao e tiringiia tebubua waningaun ma niman tengaa te aomata n teuana te tairiki. N te bong are i mwiina, ao e a onrake te maeka arei n taiani mate.

Itaia 37:38

Ao n te bong teuana e tabe n taromauri n ana tembora antina are Nitiroka, ao a roko naba natina m'aane ake uoman ake Aterammereka ao Tiaretera n tiringnga n aia kabaang. A biri nako nakon te aba are Ararata, ao e a manga uea natina te m'aane are Etaraaton.

Itaia 40:23

E karuoia taan tautaeka te Atua ao E karaoia b'a baika akea manenaia.

Taniera 2:34

Ao ngke ko bon tabe n tarataraia, ao e a ti b'aka naba i bon i rouna te atiibu ae e korakora man taiani b'aa aika a rietaata, ao e b'akara waen te bouananti arei, are te biti are e renganaki ma te tano ao e kamaerikirikia.

Taniera 5:30

Ao e tiringaki Beretiata are ueani B'aburon ni bon te tairiki naba anne;

Taniera 8:25

A nanakoraoi ana m'akuri nako ni mamanibuaka, i bukina ngke bon te aomata ae te tia kam'ane ngaia. E kamoamoa i aon rab'atana, ao e tiringiia aomata n akea te katauraoi. E na boni kaitaraa naba te UEA are e korakora i aon b'aai ni kabane, ma e na bon tiringaki, tiaki ni bain te aomata.

Tekaria 4:6

Ma ngaia are, e kab'arab'araa te anera b'a bon reitan taian rongorongo mairoun te UEA nakon Terub'abera. Bon te UEA Ngai ae Moan te M'aaka. Ma ngaia are, kam na aki onimakina korakorami ma marurungimi, ma kam na onimakina Tamneiu.

Mataio 25:6

Ma ngke e a nukanibong, ao iai te b'ana ae takarua ni kangai, “Noria, te tia iein! kam na oti nako ni butim'aia!”

Ruka 12:20

Ma E taku te Atua nako ina, “Te nanobaba! N te tairiki aei, ao e na anaaki maium mai roum; ao b'aai akana ko a tia ni katauraoi, antai ae na b'aini?”

M'akuri 12:23

Ao e oreaki n te tai naba arei Erote iroun ana anera te Atua, b'a e aki angan te Atua te neboaki; ao e rangi ni baki rab'atana b'a e m'ata nanona, ao e mate n tokina.

1.I-Tetaronike 5:2

B'a kam bon ata ana bong te Uea, b'a e na roko n ai aron rokon te tia iraa n te bong.

2.Betero 2:3

I bukin aroia ni kani b'aib'ai ao ane a na karekei aia b'ai mai roumi n taeka n reirei ni kewe. E a kaman tauraoi ma ngkoa i bukiia motikan taekaia ni kabuakakaki, ao ae e teimatoa naba n tiku n taningaia te aro are a na kamaunaki iai.

1.Tamuera 26:10

Ngkai bon iai te UEA ae e maiu, ao I ataia b'a E na bon tiringa Tauro, tao ni bon ana tai ni mate ke e na mate n te buaka.