Iobi 34:18 - Te B'aib'ara

¹⁸ E kabuakakaia uea ma taan tautaeka te Atua ngkana akea uaaia, ke ngkana a buakaka.

Iobi 34:18 ပူးပေါင်းရင်းမြစ်များ

Iobi 34:17

Ko kabuakaka te Atua ae raoiroi? Ko taku b'a E riba te motikitaeka ae eti?

Iobi 34:19

E aki tei n aia itera taan tautaeka, ke n raoniia riki aomata aika kaub'ai nako ia aika kainano, kioina ngke E bon karikia aomata ni kabane.

Te Otinako 22:28

Kam na aki taekina ae e buakaka nakon Iu ke nakon ami tia kairiiri.

Taeka n Rabakau 17:26

E bon aki riai katuaaean te aomata ae akea ana bure ao aika a kaakaraoa ae e eti.

M'akuri 23:3

Ao e taku ngkanne B'auro nakoina, “E nang oroiko te Atua, ngkoe ae te o te bono ae kamainainaki! b'a ko tekateka ni motika taekau ni kaeti ma taekan te Tua, ao ko ri aon te Tua ngkai ko tua b'a N na oreaki!”

M'akuri 23:5

Ao e taku B'auro, “Taari, I aki ataia ae ngaia aia mataniwi ibonga; b'a e koreaki ae kaangai, ‘Ko na aki tabeki taeka aika bubuaka b'a taekan temanna ae tautaeka i aoia am botannaomata.’ ”

I-Rom 13:7

Anga b'aai ni kabane akana kam bae iai: te taekiti nakoia taan anai taekiti, te tiute nakoia taan anai tiute, te maaku nakoia akana riai ni makaki, ao te karinerine nakoia akana riai ni karineaki.

1.Betero 2:17

Kam na karineia aomata ni kabaneia, ao tangiriia raomi ni Kristian. Maaka te Atua. Karinea te king.

2.Betero 2:10

ai moara riki te koraki ake a iri nanon rab'ataia ni karaoi m'akuri ni kaib'ab'aru aika kam'ara, ma n rawa n tauaki aroia: te koraki n ninikoria aika kainikatonga, aika aki maku n taetaebuakaia akana neboaki.

Iuta 1:8

Ao n aroia naba aio, te koraki aei a nori baika kanga taiani mii ake a riki iai ni bure nakon oin rab'ataia, ma n riba aron te Atua n uea i aoia, ma n taetaebuakaia ake a neboaki.