Iobi 34:10 - Te B'aib'ara

¹⁰ Ongora i Rou ngkami aika taani wanawana! E koaua b'a E kona ni karaoa te b'ai ae kaairua te Atua ae m'aaka?

Iobi 34:10 ပူးပေါင်းရင်းမြစ်များ

Karikani B'aai 18:25

Ko na bon bae n aki kona n tiringiia aomata aika akea aia bure ma aomata aika taani bure. E bon aki kona ni karaoaki anne. Ko aki kona ni karaoa anne. Ngkana Ko karaoa anne, ao ane a na mauna nako naba iai aomata aika akea aia bure i rarikiia taani bure. E bon aki kona ni karaoaki anne. E na bon karaoaki te motikitaeka ae eti n te aonnaba aei ni kabane.”

2.Tamuera 22:31

A tamaroa kawaim, te UEA ao a eti raoi am taeka. Bon te otanga Ngkoe nakoia aika a biri nakoim ni kakaaea buokaia.

2.Rongorongo 19:7

Ma ngaia ae, kam na karaoa ami m'akuri ma karineana ao kam na riai n ataia b'a e aki kariaia b'a kam na karaoa ae e aki eti nakoia aomata nako ke ni babakanikawai.

Iobi 34:12

E aki karaoa ae buakaka te Atua ae m'aaka; E aki kona ni karaoa ae aki raoiroi nakon temanna.

Iobi 34:34

E na kariaia aei te aomata ae iai ana iango, ao e na taku te aomata ae wanawana ae ongo i Rou

Iobi 36:23

Bon akea temanna ae kona n tuangnga Ana m'akuri, ke ni bukinna ni karaoan te buakaka.

Iobi 37:23

E rangi ni korakora m'aakan te Atua n te aro are ti aki kona ni kaaniia; E rangi n raoiroi man eti raoi nako ira.

Iobi 8:3

E bon aki kona ni minota te eti te Atua; E aki kona ni b'aka man karaoan te raoiroi.

Taian Areru 145:17

E raoiroi te UEA ni baika E karaoi, ao E nanoanga n arona ni kabane.

Taian Areru 92:15

E kaotaki n aei b'a E b'ab'aina te eti te UEA, Ao akea te b'ai ae buakaka iroun te tia kamanoai.

Taeka n Rabakau 15:32

Kam bon karika te kangaanga nakoim ngkana kam kaaki taian reirei, ma bon te iango ae e raoiroi ngkana kam butim'aai.

Taeka n Rabakau 6:32

Ma ngkana ko matu ma buun te m'aane temanna, ao ko na bon uruana arom ni uaan am nanobaba.

Ieremia 12:1

Ngkana I ngurengure nakoim te UEA Ko bon karaoa ae e raoiroi n taai nako. Ma iai au titiraki n te tai aei i bukin te motikitaeka ae eti. E aera ngkai a maiu raoi aomata aika taani bure? E aera ngkai e naanako raoi aia waaki?

Teb'ania 3:5

Ma E bon mena te UEA i nanon te kaawa. E karaoa ae e eti ao E aki karaoa ae e bure. Ma aomata aika buakaka a bon teimatoa ni kakaraoa ae e bure ma te aki mamaa.

I-Rom 9:14

Ao tera ngkanne ae ti na taekinna? E aki eti aron te Atua? Tiaki ngaia anne!

Te Tua-Kaua 32:4

Bon te b'a ae korakora te UEA, ao e aki roko n te karaoa te kaairua. E kona n onimakinaki n taai nako b'a boni Ngaia are E kona ni uota te motikitaeka ae eti.

Iakobo 1:13

Ngkana e kaririaki temanna, ao ke e tai kaangai, “I kaririaki mairoun te Atua.” B'a E aki konaaki te Atua ni kaririaki ni baika bubuaka, ao akea ae E kaririaki i rouna;