Iobi 33:27 - Te B'aib'ara

²⁷ Ane a na taetae i mataia aomata ni kaangai, “I a tia ni bure, I a tia ni karaoa te b'ai ae aki raoiroi, ma e aki katuaaeai te Atua ngke I bon riai ni katuaeaki.

Iobi 33:27 ပူးပေါင်းရင်းမြစ်များ

Karikani B'aai 16:13

Ao e taku Nei Aka i nanona, “I a kara ao I a noora te UEA, tao E kamaiuai b'a N na taetaekinna!” Ma ngaia are e arana te UEA are E a tia n taetae nakoina b'a, “Te Atua ae matairiki.”

2.Tamuera 12:13

Ao e taku Tawita, “I a tia ni aki ongotaeka nakon te UEA.”

2.Rongorongo 16:9

E teimatoa te UEA n tataraia aomata ni kabane, ao e anga te korakora nakoia ake kakaonimaki n ongotaeka i rouna. Ma ngkoe, ko a tia ni karaoa te m'akuri n nanobaba, ao e na bon aki konaa ni manga reke riki te rau n abanueam.

Iobi 34:32

Ko a tia ni butiia te Atua b'a E na kaoti am kaairua nako Im? Ao ko a tia ni kariaia b'a ko na katoka te m'akuri ae buakaka?

Iobi 34:9

Ao e taku b'a bon akea manenan kakaraoan nanon te Atua.

Iobi 7:20

Ko rootaki n au bure? E aera ngkai Ko karikai b'a Am taakete? I a riki b'a te b'ai ni karawawata ae korakora nako Im?

Taian Areru 103:10

E aki kareke kaira n ai aron ae bon riai n reke nakoira, Ao E kaboi mwin ara bure ma ara kairua n tiaki booia ni koaua.

Taian Areru 11:4

E mena te UEA i nanon ana Tembora are tabu; ao e mena ana Kaintokanuea i karawa. E tarataraia aomata ni kabaneia n taabo nako, ao E atai baika a karaoi.

Taian Areru 119:128

Ma ngaia ae I tou mwin am Taeka ni kabane, Ao I ribaai aaro ni kabane akana kairua.

Taian Areru 14:2

E tarataraia aomata te UEA mai karawa b'a E kan noria b'a tao iai ae wanawana ae e na ukoukoria ke akea.

Taeka n Rabakau 15:3

E noori b'aai ni kabane te UEA aika a raoiroi ma aika a buakaka.

Taeka n Rabakau 28:13

Ngkana ko aki raraoma n am bure, ao e na aki koro bukin am iango. Ma e na akoiko te Atua ngkana ko kab'araa am bure ma n aki manga okiri.

Taeka n Rabakau 5:21

E noori b'aai ni kabane te UEA ao e tarataraira raoi.

Te Minita 5:8

Ko na aki kubanako ngkana a kabuakakaaki aomata aika a maiu ni kainano i aon abam, ao e na oneaki mwiin te eti n te kaairua. A na riai ni karaoa te b'ai are a tuangaki mataniwi aika a rinano irouia ake a rietaata.

Ieremia 2:8

A aki kan ataai taian ibonga ake a reireiniia aomata au tua nako. A kakaitaraai ami taani kairiiri; ao ami burabeti a tataekina ana taeka B'aara ao a taromauriia atua ni kewe.

Ieremia 23:24

i karawa ao i aon te aonnaba. Bon akea taabo aika a raba aika kam na konaa ni karabaingkami mairou.

Ieremia 3:13

Kam na ti kaotia raoi b'a kam bon kamangao ao kam taromaurii antiia ianena i aan kaai aika a korakora n taabo n aki akaaka.

Etekiera 14:23

Ane ko na kakoauaa b'a boni Ngai ae te UEA ae te Atua ae riai ngkai I karaoa aei.

Warekaia Iteraera 12:11

ao e taku nakoni Moote, “Teuae ko karineaki, taiaoka, ko na aki katuaaira n ara m'akuri n nanobaba aikai.

Mataio 16:26

B'a tera te raka ae e na karekea te aomata ngkana e b'aina te aonnaba ae b'anin ao e kabua maiuna mai rouna? Ao tera ae e na anga te aomata b'a e na kaoka maiuna iai?

Ruka 18:13

Ma te tia anai taekiti, e tei ni kararoa, ao e aki kan tabeki naba matana teutana nako karawa, ma e orea b'ab'ana ao e kangai, “Te Atua nanoangaai b'a te tia bure ngai!”

I-Rom 6:21

Tera te bae kam karekea ngke kam karaoi ngkoa baike kam mamaa iai ngkai? B'a tokini baikekei te mate.

I-Rom 7:16

Ma ngkana I karaoa ae I aki kani karaoia, ao I kakoaua iai b'a e raoiroi te Tua.

I-Rom 7:22

B'a e on nanou n te kukurei n ana Tua te Atua;