Iobi 33:24 - Te B'aib'ara

²⁴ E na nanoangaia te anera, ao e na kaangai, “Kainaomata! A aki riai b'a a na nako abaia maate. A na bon kainaomataaki.”

Iobi 33:24 ပူးပေါင်းရင်းမြစ်များ

Iobi 22:21

Iobi, Ko riai ngkai n ioki ma te Atua, ma ni katoki arom nako Ina aika ai aron ana m'akuri te kairiribai; b'a ngkana ko karaoa aei, ao E na kakab'aiako.

Iobi 33:18

E aki kona ni kariaia b'a a na tiringaki; E kamaiua man te mate.

Iobi 33:25

A na manga okira aia bong n rikirake ma ni manga marurung;

Iobi 33:28

E kaawakinai b'a N na aki roko i abaia maate, ao ai ngaia ae a riki n teimatoa iai maiu.”

Iobi 36:18

Taratara raoi b'a ko na aki m'ane n te babaka ni kawai, ke ni kairakinako n taiani kaub'ai.

Taian Areru 107:20

E katoki aorakiia n ana taeka, ao E tuki mateia.

Taian Areru 22:4

A onimakiniko ara bakatibu; A onimakiniko, ao Ko kamaiuia.

Taian Areru 40:2

E katikai rake man te kinono ae kamaamate, mai nanon te bokaboka ae nimnim. E kateai raoi i aon te b'a, Ao E kanakonakoai raoi.

Taian Areru 71:3

Ko na riki b'a nneu ni katantan ae mano raoi ae N na kakawaria, ao au nono ae matoatoa b'a nneu ni kamanoai; Boni katanau ao otangau Ngkoe.

Taian Areru 86:13

Ai batiraa am Tangira nako iu! Ko a tia ni kamaiuai ngke N nangi mate.

Taian Areru 86:15

Ma Ngkoe, te UEA, bon te Atua n nanoanga ma n tangira; Ko aki kakai un, ao Ko b'ab'aina te te ataataiaomata ma te koaua.

Taian Areru 86:5

Te UEA, Ko raoiroi ao Ko kab'ab'arai buure; E bati am Tangira nakoia akana tataro nakoim ni kabaneia.

Te Otinako 33:19

Ao E kaeka te UEA ni kaangai: E tamaroa. Bon ami UEA Ngai, ao N na kaota au akoi ma au nanoanga nakoia aomata ni kabane aika I a tia n rineia. N na kariaia b'a ko noora mimitongiu ma n ongo arau ae E tabu,

Itaia 53:5

E ikoaki ao e kamanatuaaki i bukin ara bure nako; e reke ae e riai i roura i bukina ngke E anaa tuuara.

Ieremia 31:20

Kaain Iteraera, bon natiu ngkami aika kam rangi n tangiraki. E koaua b'a I aki tangiringkami nakon b'aai nako? Ngke I aki toki ni karawaawataingkami, ma I tangiringkami b'a kam na meemena i rarikiu, b'a I aonga nanoangaingkami. Bon aio Au taeka Ngai ae te UEA.

Otea 14:2

Rairaki nakon te UEA ao kaangai, “Taiaoka ni kab'arai ara bure. Butim'aai ara karea aika a raoiroi i bukin ara nebo n onea mwiin taian kaom'aane.

Otea 14:4

Iteraera, kam a tia ni katinanikuai, ma e a toki uniu; N na kamaiungkami man tangiringkami n akea tiana.

Tekaria 9:11

Ngke I karaoa te boraraoi are e tabu ma ngkami, Au aomata, ti kanikinaea n te raraa. Ngkai tabeman maibuakomi bon taenikai n taian kinono aika akea te ran i nanoia, ma N na roko ni kamaiungkami

Mataio 20:28

B'a aron Natin te Aomata ngkae E aki roko b'a E na tautoronaki te aba i Rouna, ma E roko b'a E na toro irouia aomata, ao b'a E na anga maiuna b'a b'aini kainaomataia aomata aika bati.

1.Timoteo 2:6

are anga Ngaia i bukini kainaomataiia aomata ni kabaneia. E a kaotia n arona anne b'a te b'ai ni kakoaua n taina ae riai i bukin nanon te Atua n tangiriia aomata ni kabaneia b'a a na kamaiuaki;