Iobi 31:9 - Te B'aib'ara

⁹ Ngkana tao I a tia ni b'aka i roun buun te aomata ae I tabon auti ma ngaia, ke tao I a tia n torotoro ni karabaai i tinanikun ana mataroa neierei,

Iobi 31:9 ပူးပေါင်းရင်းမြစ်များ

1.Uea 11:4

Ao ngke e a kara Toromon, ao a kairiia tabem'aang b'a e na taromauri antiia. Bon tiaki aron tamana are Tawita, are e bon ti tataromauria te UEA ae te Atua.

Neemia 13:26

E rangi n tangira te uea are Toromon te Atua ao e karikia b'a te uea ae moan te kakannato n te aonnaba, ma a kab'aka Toromon nakon te bure buuna ake taiani i-anena.

Iobi 31:1

I a tia ni karaoa te berita ae matoa b'a N na aki manga taratara te ataei n aine ma te kaitataan.

Taeka n Rabakau 22:14

Ti te bo ana taeka te aine ae e buakaka ma te m'anono ae e nano; kam na b'aka nako nanona ngkana kam kauna te UEA.

Taeka n Rabakau 6:25

E na aki anaaki nanom n ana kab'akab'aka ke ni maata aika a kan tangiraki mairoun temanna ae ai aron anne.

Taeka n Rabakau 6:27

Ngkana ko uouota te kooro ae e ura, ao ane e na kabuoka kunnikaim;

Taeka n Rabakau 7:21

Ai ngaia are, e kam'anea teuarei n ana taeka aika a karewerewe ni kabane ao ana taeka ni karang.

Te Minita 7:26

Aei mwiin te b'ai ae I kunea: E buakaka riki te aine ae e kam'araa nakon te mate. Bon te b'ai ni kam'ane ngaia, ae e kaaenakoa rab'atana ma nanona n raweiko. Ma ngkana ko ongotaeka iroun te Atua, ao ko na konaa ni biri nako mai rouna. Ngkana ko aki ongotaeka, ao e a tia ikanne.

Ieremia 5:8

Ti te bo ngkami ma taiani man, kam tatangira te wenenibure n taai nako ma buuia aomata tabem'aang.

Otea 7:4

A bane aomata nako n tam'are nanoia ti te bo ngaiia ma taiani kooro i nanon te ainumuum, ae e tauraoi ni kanakoa urana.

Nakoaia Ibonga 20:10

Ngkana iai te m'aane ae e wenenibure ma te aine temanna, a na uaia ni kamateaki ni kauoman.

Te Tua-Kaua 5:21

Kam na tai mataiakina aia b'ai tabem'aang. Kam na aki tataana buun temanna, ke nimataaiakina aia auti, abaia, aia toro, aia kao, aia aati, ke aia b'ai riki tabeua.

Tani Motiki-taeka 16:5

Ao a m'ananga taan tautaeka mai Biritia n tatabemaniia nako ni kawara Nei Terira ao a taku, Ko na m'am'anaa Tamton b'a e na tuangko te b'ai ae riki n aintoa iai, ao te b'ai ae na manga riki ni ngore iai. Ao i mwiina, ti na kabaea b'a e aonga n aki manga kona ni biri nako. Ngkana ko kona ni karaoa anne, ao ti na anganiko 11,000 taiani m'akoro n tirewa.