Iobi 31:7 - Te B'aib'ara

⁷ Ngkana tao arona b'a e a tia ni bure kawaiu, ke tao n anaaki nanou n te buakaka. Ngkana tao e a tia ni kabarekaaki baiu n te bure,

Iobi 31:7 ပူးပေါင်းရင်းမြစ်များ

Iobi 16:17

E ngae ngke bon akea te b'ai ae buakaka ae I a tia ni karaoia, ao a itiaki au tataro.

Iobi 17:9

E na bon aki toki waen te aomata ae raoiroi, ao e a rikirake ni korakora ma ni korakora ane e itiaki baina.

Iobi 23:11

I toui m'anekana ni kabane, ao I tuai man rairakinako mai iai.

Iobi 27:5

N na aki manga taekinna b'a kam eti, N na boni kamatoaa ae I aki bure ni karaoan te m'akuri ae buakaka ni karokoa mateu.

Iobi 27:6

E na bon aki b'ara nanou i bukina b'a I bon itiaki.

Iobi 9:30

Bon akea te toobu ae na kona ni kaitiaki au bure.

Taian Areru 101:3

Akea te bae buakaka ae N na noria; I ribaai aia m'akuri aomata akana rairaki nako mairoun te Atua; N na aki reitaki ma ngaiia.

Taian Areru 7:4

I tuai kam'anea raoraou ke ni iowawa nakon au kairiribai n akea bukina.

Te Minita 11:9

Ko riai ni kukurei ma ni kim'areirei n te maiu aei ngkai ko rikirake! Karaoa ae ko tangiria, ao kakaaea te kukurei n te b'ai ae ko nooria. Ma ko na tai m'aninga ae E na motika taekam te Atua ni b'aai ni kabane aika ko karaoi.

Itaia 33:15

Ma e na iai kaniwangaia aika a eti maiuia ma n tataekina te koaua, i bukiia aomata ake a rawa n anaa te m'ane n te matoa ke a rawa ni butim'aea te baabakanikawai, ao nakoia ni kabane ake a ribaa te tiriaomata ao taian m'akuri ni kakeru.

Etekiera 14:3

Etekiera ae natin te aomata, a tia ni manga moana taromauriakiia bouannanti m'aane aikai, e ngae ngke e na manga karekeia n te bure ae e korakora riki. Ma ngaia ae I aki kan taekina te rongorongo nakoia.

Etekiera 14:7

Ngkana tao temanna mairoumi Iteraera ke te ianena ae e maeka i Iteraera ae e rawa irou ma ni manga moana taromaurian taiani bouannanti. Ao i mwiina, ko a manga nako ni kawara te burabeti b'a ko na ongora n au taeka, ao Ngai N na kaekako

Etekiera 6:9

Ike a na tauaki b'a buure. Ane a na uringai, ao a na ataia ae a tia ni kab'ainrangai ngke a kakaitaraai ao ngke a taromauriia taian bouannanti. Ane a na ribaia i bon irouia i bukin m'akuri aika a buakaka aika a tia ni karaoi,

Warekaia Iteraera 15:39

E na kauringngkami baikai b'a kam na riai n ongotaeka nakon Au tua ma Au reirei.

Mataio 5:29

Ao ngkana e kairiko matam ane mai ataim nakon te bure, ao ko na autia, ao tewea nako mai roum; b'a e raoiroi riki ngkana akea b'ain rab'atam teuana nakon ae e teweaki nako rab'atam ni kabaneaki nako moone.