Iobi 31:4 - Te B'aib'ara

⁴ E atai b'aai ni kabane aika I karaoi te Atua, ao E atai naba rangatan waeu.

Iobi 31:4 ပူးပေါင်းရင်းမြစ်များ

Karikani B'aai 16:13

Ao e taku Nei Aka i nanona, “I a kara ao I a noora te UEA, tao E kamaiuai b'a N na taetaekinna!” Ma ngaia are e arana te UEA are E a tia n taetae nakoina b'a, “Te Atua ae matairiki.”

2.Rongorongo 16:9

E teimatoa te UEA n tataraia aomata ni kabane, ao e anga te korakora nakoia ake kakaonimaki n ongotaeka i rouna. Ma ngkoe, ko a tia ni karaoa te m'akuri n nanobaba, ao e na bon aki konaa ni manga reke riki te rau n abanueam.

Iobi 11:11

E ataia aomata aika akea manenaia te Atua, E noori aia m'akuri ni kabane aika buakaka.

Iobi 14:16

Ao ane ko na taratarai nakonakou, ao Ko na aki manga warewareki m'aitin au bure.

Iobi 23:10

Ma e ngae n anne, ao E atai m'anekau ni kabane te Atua; ao ngkana E kataai, ao E na bon kakoauaai b'a bon akea au bure.

Iobi 24:23

E bon anganna te maiu raoi ti i nanon tabeua te tai, ma E bon tarataraia n taai nako.

Iobi 28:24

i bukina b'a E noora tabon aonnaba, E noori b'aai ni kabane aika i aani karawa.

Iobi 31:37

Ao i mwiina, N na tuanga te Atua b'aai ni kabane ake I a tia ni karaoi, ao N na roko i matana ma te aki maaku kaanga te nati ni uea.

Iobi 34:21

E nooria aomata n taabo nako ike a nako iai.

Iobi 36:7

E kakawakiniia aomata aika raoiroi; E kariaia b'a a na tautaeka b'a kaanga taiani uea, ao E karaoia b'a a na karineaki n aki toki.

Taian Areru 44:21

Ao Ko na kamani kunea: b'a Ko atai nanora aika raba.

Taeka n Rabakau 15:3

E noori b'aai ni kabane te UEA aika a raoiroi ma aika a buakaka.

Taeka n Rabakau 5:21

E noori b'aai ni kabane te UEA ao e tarataraira raoi.

Ieremia 16:17

I konaa n noori b'aai ni kabane aika kam karaoi, e ngae ngkana kam karabai ami bure mairou.

Ieremia 32:19

Ko karaoi am babaaire ni wanawanam ae e korakora, ao Ko karaoi b'aai aika a korakora ni kabane aika Ko a tia ni baairei ni m'aakam ae e korakora. Bon akea te b'ai teuana ae ti konaa ni karaoia ni karabaa mai matam, ao Ko anganiira kaniwangara ke ni katuaaira n aron are e bon riai n reke nakoira.

Taniera 5:23

Ko kakaitaraa UEAN karawa ngke ko uoti m'angko, ma taiani boora ake a anaaki man ana Tembora. Ao ko mooi mai iai ngkoe ma am taani iango, ma buum, ao buum ni kewe, ao kam kamoamoaia anti ake a karaoaki man taiani koora, tirewa, buraati, biiti, taiani kai, ao atiibu, anti aika a aki noraaba ao a aki konaa naba ni kakauongo, ao a bon aki ataa te b'ai teuana. Ao kam aki karinea te Atua ae e mena maiumi i nanoni baina, ao E bairei b'aai ni kabane aika kam karaoi.

Ioane 1:48

E taku Natanaera nakoina, “Ko ataai maia?” E kaekaa Iesu ni kaangai, “I noriko ngke ko mena i aan te biku, i m'aini weteam irouni Biribo.”

Ebera 4:13

Bon akea te b'ai teuana ae karikaki ae na raba mai Rouna; ma a bane b'aai ni kakiaki rabunaia ma ni kaotaki raoi i matan Teuare Ngaia ae ti nangi taekin arora nako Ina.