Iobi 31:29 - Te B'aib'ara

²⁹ I bon tuai man kukurei ngkana a karawawataaki au kairiribai, ke ni kukurei ngkana a kaaitibo ma te kangaanga.

Iobi 31:29 ပူးပေါင်းရင်းမြစ်များ

2.Tamuera 1:12

Ao a tang ni kabongnga ao akea te b'ai teuana ae a kanna. Ao a bane n nanokawaki aomata i bukin natin Tauro are Ionatan, ao i bukiia naba ana aomata te UEA ake a mate n te buaka.

2.Tamuera 3:32

E taunaki Abenera i Eberon, ao e tei Tawita ma aomata nako ietan ruana ao a tang n takaarua.

Taeka n Rabakau 17:5

Ngkana kam kamamaaea te aomata ae e kainano, ao kam bon kamaamaea iai te Tia Karikib'ai. Kam na katuaaeaki ngkana kam b'ainingarea te aomata ae e reke n te kangaanga.

Ob'aria 1:12

Ko bon riai n aki ngareakina tarim ae Iuta i nanom ngkai e a reke n te kangaanga Ko bon riai n nanokawaki n te bong are e buakanaki iai aia kaawa Ko bon riai n aki kakanikoia ngke a taonaki n te rawaawata.

Ob'aria 1:13

Ko bon riai n aki ninia aia kaawa au Aomata, ni b'ainingareia ngke a rawaawata ao ma n kurib'ai kaub'aia i nanon te bong are a buakanaki iai.