Iobi 31:28 - Te B'aib'ara

²⁸ Bon te bure ae ab'ab'aki karaoan aei nakon te Atua, ao e na katuaaeaki te aba iai i rouia taani moti.

Iobi 31:28 ပူးပေါင်းရင်းမြစ်များ

Karikani B'aai 18:25

Ko na bon bae n aki kona n tiringiia aomata aika akea aia bure ma aomata aika taani bure. E bon aki kona ni karaoaki anne. Ko aki kona ni karaoa anne. Ngkana Ko karaoa anne, ao ane a na mauna nako naba iai aomata aika akea aia bure i rarikiia taani bure. E bon aki kona ni karaoaki anne. E na bon karaoaki te motikitaeka ae eti n te aonnaba aei ni kabane.”

2.Tamuera 3:32

E taunaki Abenera i Eberon, ao e tei Tawita ma aomata nako ietan ruana ao a tang n takaarua.

Iobi 23:7

Ngkana e roko te tai arei, ao E na bon ongora ni ngurengureu ngkai bon te aomata ngai ae I b'ab'aina te eti; ao au tia motikitaeka ae te Atua, E na anganai te inaomata ae akea tokina, ao E na katanoataai b'a te aomata ngai ae akea ana bure.

Iobi 31:11

E na riai ni katuaaeaki te m'akuri ae moan te buakaka n aron anne n te mate.

Iobi 31:27

I tuai naba man burebureaki ni bobaraaki ni karineia ni kaboria ma baiu n anga karineaia.

Iobi 9:15

Ngkai bon akea au bure, ao te b'ai ae I ti konaa ni karaoia bon ti te bubuti Ana akoi te Atua ae au Tia Moti.

Taian Areru 50:6

A kaotiota raoiroin te Atua taiani karawa: B'a bon te tia motiki-taeka Ngaia.

Taeka n Rabakau 30:9

Ngkana e a manga rangi n rawata kanau, ao ane n na manga m'aninga taekam; ao ngkana e a manga aki tau, ao ane n na manga kimoa ma ni kamamaaea aram.

Itaia 59:13

Ti a tia ni kaaitarako ma n rawa n iriko. A iango n aonikai nanora, ngaia are ti b'anga ni kewe iai; ti babaairea aron kabuakakaia tem'aangina ao ti rairaki nako mai roum.

Tito 1:16

A taku b'a a ata te Atua; ma a kakeaa n aia m'akuri nako. A bati n ribaki, ao a aki ongeaba, ao a aki tau nakoni m'akuri aika raraoi ni kabane.

Ebera 12:23

ma aia botaki taan onimaki ake naati ake kanga ai aroia moan nati, aika a koreaki araia i karawa; ao kam kaania naba te Atua ae te tia motiki taekaia aomata ni kabaneia, ao kam kaaniia naba tamneia aomata ake a b'ab'aina te eti, ake a tia ni karaoaki b'a a na kororaoi aroia n reitaki ma nanon te Atua.

Iotua 24:23

Ao e a manga taku Iotua, “Ao kam riai ni kamaunai ngkai anti ianena aika i roumi, ao kam na berita b'a kam na kakaonimaki nakon te UEA ae Atuaia Iteraera.”

Iotua 24:27

Ao e taku nakoia aomata, “E na riki te atiibu aei b'a te tia kakoaua, b'a e a tia n ongo b'aai ni kabane ake E taekin te UEA nakoira. Ao e na riki b'a te tia kakoaua ni kaoti ara bure nakon te UEA.”

2.Betero 2:1

Ma bon iai burabeti ni kewe i buakoia aomata ngkekei, ao ai bon arona naba b'a a na iai i buakomi taan reirei ni kewe, aika a na kaoti n te aro ni karaba ao ana uoti taiani koaua aika kairua aika na urua te onimaki, ao a na kakeaa te Toka are kainaomataia; ao n te aro aei a na karoko mateia iai ni waekoa.

1.Ioane 2:23

Ane kakeaa te Nati, ao akea te Tama i rouna; ane kaota onimakinan te Nati i rouna, ao bon iai naba te Tama i rouna.

Iuta 1:4

B'a a karabaia n rin n te ekaretia aomata tabem'aang aika kaburea taekinan ana akoi te Atua b'a a aonga n reke aonaia iai n aroia n tam'are, ao a kakeaa te Toka are ti temanna are ara Uea, are Iesu Kristo. A kaman taekinaki te koraki aei ngkoangkoa b'a a na motikaki taekaia ni kabuakakaki i bukin aroia aei.

Tani Motiki-taeka 11:27

Bon akea te kaairua ae I a tia ni karaoia nakoimi, ao e rangi ni kaairua ngkai ko a iangoa te buaka. I tataro nakon te UEA b'a E na kaotia b'a tao e eti Iteraera ke Ammon.