Iobi 31:17 - Te B'aib'ara

¹⁷ ke ni kariaia ataei aika akea aia karo b'a a na baki ngkana I am'arake.

Iobi 31:17 ပူးပေါင်းရင်းမြစ်များ

Neemia 8:10

Ao e taku Neemia nakoia aomata, “Kam na kukurei ni kang kanami ao n nim nimami aika a raraoi ao ni i buokanib'ai iai ma raomi aika akea uotaia. Kam na aki nanokawaki! Bon ana bong te UEA ae e kaokoro te bong aei, ao E na bon kakukureingkami ma ni korakoraingkami.”

Etita 2:7

Ao bon iai naba ai natin Moretekai ae Nei Etita ae arana n Ebera bon Nei Atata; bon te ataeinaine ngaia ae e tikiraoi, ma rab'atana ae akea waewaeana. Ngke a mate ana koraki neierei, ao e anaia Moretekai n tabekia ma ni kaikawaia b'a natina te aine.

Iobi 22:7

Ko rawa n anga te kariki ma te ran nako ia aika baki mani kani mooi.

Iobi 31:18

I tararuaia ma ngke ataei ngaiia kaanga ni kabane maiu, ao I kaawakiniia ma ngke a moan otinako man biroton tinaia.

Iobi 31:21

I tuai man katea te ataei ae akea ana karo n te bowi ni kaburebure, e ngae ngke I ataia b'a N na tokanikai i aona n te kabowi,

Etekiera 18:16

E aki konaa ni burebureia aomata ke ni kimoa temanna ao e aki tangira te b'ai ni kakoaua i bukin te roun. E angaanga te kunnikai nakoia aika a maiu ni kainano

Etekiera 18:7

E aki konaa ni burebureia aomata ke ni kimoa ana b'ai temanna ao e aki toki ni kaakaokii b'aai ake a katukaki i rouna b'a taiani b'ai ni kakoaua i bukin te roun; e angaanga taiani kunnikai nakoia aika a maiu ni kainano

Ruka 11:41

Ma kam anga b'ai ake i nanon ami m'angko ma ami raurau b'a b'aai n akoi; ao noria, a bane n itiaki b'ai ni kabane i bukimi.

Ioane 13:29

Ma a taku n aia iango tabem'aang i buakoia ana reirei, b'a ngkae e mena iroun Iuta nen te m'ane, ao e a tuangaki iroun Iesu b'a e na kabo baike a kainanoi i bukin te Toa, ke e na angania akana aki kaub'ai te b'ai teuana.

M'akuri 4:32

A b'aina te nano ae ti teuana taan onimaki ake a bati, ao akea temanna i rouia ae tauti n ana b'ai; ma a buokanib'ai n aia b'ai nako.

I-Rom 12:13

Kam na anga ami b'ai nakoia ake a itiaki b'a buokani kainnanoia, ao kam na butim'aia n akoia ni mwengami.

Te Tua-Kaua 15:11

Ane a na bon iai n taai nako tabeman Iteraera aika kainano ma n tangira buokaia. Ao bon anne bukina ngkai I mwiokoingkami b'a kam na tituaraoi nakoia.

Te Tua-Kaua 15:14

anganiia taian tiibu ao kooti, ao taian uita ma taian wain aika raoiroi b'a uotaia. Kam na kam'aita anganakiia, n aron kam'aitakin anganakimi naba iroun te UEA.

Iakobo 1:27

Aio te Aro ae itiaki ae aki kam'ara i matan te Atua ae te Tama: bon tararuaia akana a mate tamaia ma aine aika a mate buia ni kain nanoia; ao te kawakinna te aomata b'a e na aki baareka ni b'ain aon te aba.

1.Ioane 3:17

Ma ane iai ana b'ai aika b'ain te maiu aei, ao ngkana e nora tarina b'a iai kain nanona, ma e aki nanoangaia, ao e na kanga n taku b'a e mena i nanona tangiran te Atua?