Iobi 29:3 - Te B'aib'ara

³ Ngke e kakab'aiaai iai te Atua ni kaota Ana taura i aoni kawaiu. E kairirai Ana taura i buakon te roo.

Iobi 29:3 ပူးပေါင်းရင်းမြစ်များ

Iobi 11:17

E na oota riki maium nakon ootan te tawanou, ao a na oota kaanga te kaarangaina aoan maium ake a rangi n rotongitong.

Iobi 18:6

E karooaki tauran ana auti n rianna,

Iobi 21:17

E koaua b'a e na aki mamate ana taura te aomata ae buakaka? E koaua b'a bon akea temanna mai buakoia ae na aki bo ma te kangaanga? E koaua b'a e na aki orea te aomata ae buakaka te Atua ni kamarakin nanona,

Iobi 22:28

A na kokororaoi bukin b'aai ni kabane aika ko karaoi; ane na oota te oota i aon kawaim nako.

Taian Areru 112:4

Ai aron te oota ngaia ae oota n te roo i bukiia akana raoiroi; E b'ab'aina te nanoanga ma te ataataiaomata ma te eti.

Taian Areru 18:28

Te UEA ae Atuau, anganai te oota; Kaota te roo ae I mena iai.

Taian Areru 18:29

Ko anganai te korakora ni buakaniia aiau, ao te kona n tam'arakea nonon aia kaawa.

Taian Areru 23:4

Ngkana tao I nakonako i nanon m'aruan nuun te mate, ao N na bon aki maaku, te UEA b'a Ko meemena i rarikiu. Am kai ao okom a kawakinai raoi man taian kabuanib'ai.

Taian Areru 27:1

Bon ootau ma au tia kamaiu te UEA; Akea ae N na makua. Bon nneu ni kamanoai te UEA man taiani kanganga nako; N na bon aki maaku.

Taian Areru 4:6

A bati aika a tataro ni kaangai, “Kakab'aiaira te UEA. Ao kaota raoi ootan am Atataiaomata i aora!”

Taian Areru 84:11

Boni nera ni katantan te UEA ao ara Uea ae mimitong; E ataataiaomata nakoira ao E anganira te karineaki. E aki rawa n anga te b'ai ae e raoiroi nakoia akana karaoa ae e raoiroi.

Taeka n Rabakau 13:9

E teimatoa uran ana taura te aomata ae e raoiroi; ma e waekoa ni mate ana taura te aomata ae e buakaka.

Taeka n Rabakau 20:20

A na roko n aban te rotongitong i m'aain rokon aia tai, naati aika a kamaraiaia aia karo.

Taeka n Rabakau 24:20

A na waekoa ni bua kaanga uran te taura ae e toki urana.

Itaia 2:4

E na katoki taiani ngurengure imarenaia botannaomata. Ane a na urui aia kabaang ma aia kainiwai ni manga kariki b'a taian reeke ma tiabora; ane a na aki manga karika te buaka ke ni buakaniia i marenaia.

Ioane 12:46

I roko b'a te oota i aonnaba, b'a e na aki mena n te roo ane onimakinai.

Ioane 8:12

E a manga taetae Iesu nakoia aomata, ao E taku, “Ngai te oota nakoia aomata i aonnaba. Ane irai, ao e na bon aki nakonako n te roo, ma e na reke i rouna te oota are na anganna te maiu.”

I-Ebeto 5:14

b'a b'aai ni kabane aika kaotaki a riki b'a te oota. Ao aei bukin are atongaki ni kaangai: “Ko na uti, ngkoe ae ko matu, ao teirake mai buakoia maate, ao e na kaotako Kristo.”

I-Ebeto 5:8

B'a kanga te roo ngkami ngkoa, ma ngkai ai kanga te oota, ngkai kam a onimakina te UEA. Kam na nakonako n ai aroia natin te oota;