Iobi 29:23 - Te B'aib'ara

²³ A bane ni butim'aai kaanga butim'aean te karau n tain te aumeaang i roun te tia ununiki.

Iobi 29:23 ပူးပေါင်းရင်းမြစ်များ

Iobi 29:22

Bon akea riki te b'ai ae a na manga taekinna ngkana a bane au taeka. A timtim au taeka i aoia kaanga b'akan te karau i aon te tano ae m'au.

Iobi 29:24

Ngkana I matangare nako ia, ao a kakorakoraaki nanoia iai.

Taian Areru 119:131

E rangi ni korakora kainanoan am Tua irou.

Taian Areru 72:6

E bia riki te uea b'a kanga ai aron te karau ae b'aka ni kamaiu kain am'arake, ao ni kam'aim'aa aon te aba.

Taian Areru 81:10

Bon te UEA Ngai ae Atuam, ae I kairiko ni kaotinakoko mai Aikubita. Kaurea wiim ao N na kaam'arakeko.

Taeka n Rabakau 16:15

Ngkana e kukurei te tia tautaeka ma ni kukurei iroum, ao kaanga ai aron manga b'akan te karau, ao kam na maiu.

Ieremia 5:24

Kam rawa ni kaangai, “Ti a taromauria te UEA! Boni Ngaia ae e karoorokoa te karau n te aumeaang ma te aumaiaki. ma n anganiira uaan te tai ae e tamaroa.”

Otea 6:3

Ti na karaoa ara kabanea n tamaroa n ukoukora ataakin te UEA. E a bon roko kaanga taai n te ingabong; E na manga kamaiu nanora kaanga te karau ngkana e kabooua te aonnaba i nanon tain tokin te kam'aitoro.

Tekaria 10:1

Boni Ngai ae te UEA are I kanakoi nangin te buaka ao maatim ni karau b'a a aonga ni kariki uaa taian tawaana. Ma ngaia are, ngkana a kainanoa te karau taian uita kam na riai n tataro nako iu.