Iobi 29:13 - Te B'aib'ara

¹³ A neboai aomata ake a mena i nanon te rawawata ae moan te korakora, ao I buokia aine aika mate buia ni karekea te kukurei nako ia.

Iobi 29:13 ပူးပေါင်းရင်းမြစ်များ

Iobi 22:9

Ko aki ti rawa ni buokiia aine aika mate buia, ma ko iraei naba aia b'ai ataei ake akea aia karo, ma ni karawawataia.

Taian Areru 67:4

A na kakatonga botannaomata, ao a na anene ni kim'areirei: B'a Ko motiki taekaia aomata ma te eti, Ao Ko kairiia botannaomata nako i aonnaba.

Taeka n Rabakau 11:26

Ane e rangi n kaboobuakaa ana uita, e na manga karereantiaki irouia aomata: kabooa nako n te bo ae e eti, ao ane kam na neboaki.

Itaia 27:13

E na ongo te aba tangin te bu ae e tangi m'aaka. Ao i mwiina, a na oki n taromauria te UEA i aon ana maunga ae e tabu i Ierutarem aomatan Iteraera ake a uaakinaki nako ngkoa nako Aturia ao Aikubita.

Itaia 65:14

A na anene ni kim'areirei, ao ngkami kam na tangi ma te uruaki n nano.

Te Tua-Kaua 24:13

Ma kam na riai ni kaokia i m'aain bungintaai, b'a e aonga ni kona ni kamanenaa te aomata are kunnikaina n kamanoa iai rab'atana ngkana e matu, ao ma ni bubutiia te UEA b'a E na kakab'aiako. Ao n te aro anne, ao E na ataia iai te UEA ae Atuami b'a kam karaoa ae raoiroi.

Te Tua-Kaua 26:5

Ao i mwiina, kam na tei i matan te tabo n taromauri, ao kam na tataro ni kaangai: Bon akea aia auti ngkoa au bakatibu, kaain Aram ake a nako ni maeka i Aikubita. Bon te utu ngkoa ngaiia ao ti tabeman ngaiia i abaia, ma a rikirake m'aitiia ao korakoraia, bon te botannaomata ngaiia ae kauaomata.

Biremon 1:7

B'a e bati au kim'areirei ma kabebetean nanou n am tangira, tariu, b'a a kamaiuaki nanoia ake a itiaki i roum.

Ruuta 2:20

E taku Naomi, “Ke e kakab'aiaki Boaati iroun te UEA, b'a E bon ataataiaomata te UEA nakoia aika a maiu, ao nakoia naba aika a tia ni mate.” E taku riki Naomi nakon Ruuta, “Bon ara koraki ni kaan te aomata anne, temanna ngaia ae e riai ni kawakiniira.”