Iobi 29:12 - Te B'aib'ara

¹² Ngkana e tang te aomata ae kainano, I buokia; ao I anga te i buobuoki nako ia ataei ake akea aia karo, ake akea te tabo ae a na nako iai.

Iobi 29:12 ပူးပေါင်းရင်းမြစ်များ

Iobi 24:4

A tuuka reken te eti nako ia aomata aika kainano, ao a imanonoia aomata aika akea aia b'ai b'a a na bon karabaia mai rouia taan karawawataia aomata.

Iobi 24:9

A karaoia ataei aika akea aia karo b'a aia toro aomata aika buakaka, ao a anai natiia aomata aika kainano b'a kab'araan aia taarau tamaia.

Iobi 30:25

E koaua b'a I aki tanginiwenei ma aomata n aia kangaanga, ao I aki nanoangaia naba aika kainano?

Iobi 31:17

ke ni kariaia ataei aika akea aia karo b'a a na baki ngkana I am'arake.

Iobi 31:18

I tararuaia ma ngke ataei ngaiia kaanga ni kabane maiu, ao I kaawakiniia ma ngke a moan otinako man biroton tinaia.

Iobi 31:21

I tuai man katea te ataei ae akea ana karo n te bowi ni kaburebure, e ngae ngke I ataia b'a N na tokanikai i aona n te kabowi,

Iobi 34:28

A imanonoia aomata aika kainano b'a a na tang nakon te Atua, ao E ongo b'anaaia ni kan buokiia.

Taian Areru 68:5

Te Atua, are maeka n ana Tembora are tabu, boni Ngaia ae tabeakiniia akana aki tabeakinaki irouia aia karo. Ngaia naba ae tei i bukiia aine akana mate buia.

Taian Areru 72:12

E kamaiuia akana kananoanga akana tangira ana buobuoki, ma aomata naba akana b'ainikirinaki ao akana a kakaki taekaia.

Taian Areru 88:4

Ti te bo ngai ma aomata nako aika a kaani mate; Ai akea korakorau.

Taeka n Rabakau 21:13

Ngkana kam aki buoka te aomata ae e maiu ni kainano, tai iangoia b'a a na ongo b'anaam aomata ngkana kam tang ni buubuti buokami.

Taeka n Rabakau 31:8

Ma ko riai n tei i bukiia aika a tangira buokaia ao aika akea aia kaantaninga.

Ieremia 22:16

Ao bon anne raoi nanona ae kam na ataai raoi. Ma ngaia are, e maiu raoi ao e teimatoa n reereke kanana ma nimana ae e tau.

Te Tua-Kaua 10:18

E teetei te UEA i bukiia ataei aika akea aia karo, ao aine aika a mate buuia. E kakawakiniia iruwa ma n anganganiia kanaia ao kunnikaia.

Iakobo 1:27

Aio te Aro ae itiaki ae aki kam'ara i matan te Atua ae te Tama: bon tararuaia akana a mate tamaia ma aine aika a mate buia ni kain nanoia; ao te kawakinna te aomata b'a e na aki baareka ni b'ain aon te aba.