Iobi 28:28 - Te B'aib'ara

²⁸ E taku te Atua nakon te aomata, “Ngkana ko tangiria ni wanawana, ao ko riai n anga te karinerine nakon te UEA. Ngkana ko kan atatai, ao ko na rairaki nako man te buakaka.”

Iobi 28:28 ပူးပေါင်းရင်းမြစ်များ

1.Uea 18:3

Ao e riki Ob'aria b'a te tia tararua ana bareti Aaba n te tai anne, ma e bon kakaonimaki naba n taromauria te UEA.

Iobi 1:1

N ririki aika b'akanako, te aomata ae arana Iobi e maeka n te aba are Uti. Bon te aomata ae moan te raoiroi, ao e raarawa ni karaoa te m'akuri ae buakaka.

Iobi 28:12

E na reke ia te rabakau; e nga te tabo ae ti na reireiniira iai te ataib'ai?

Iobi 28:20

Ao e mena ia ngkanne te tabo ike e nako mai iai te rabakau? E nga te tabo ike ti na kona n reirei iai te ataib'ai?

Iobi 28:27

Ao bon man te tai anne are E baairea iai aron te rabakau b'a tera.

Taian Areru 111:10

Ongeaba ao karinea te UEA! Bon aio te moani m'aneka nakon te wanawana ma te iango ae raoiroi. E na teimatoa ni karineaki te Atua.

Taian Areru 34:14

Taan nako man te buakaka, Ao karaoa ae e raoiroi. Kekeiaki ni b'aina te rau ni maium.

Taian Areru 94:10

Ngkae E boaiia botannaomata nako, ao tiaki b'a E kona ni kareke kaiia ara mataniwi aika buakaka? Ao ngkai te tia reirei Ngaia nakoia aomata nako, ao tiaki b'a e riai n iai te ataib'ai i rouna?

Taeka n Rabakau 1:7

Karinea ao ongotaeka iroun te UEA! Aio bon moanan te rabakau. Bon te nanobaba ane e aki butim'aea te wanawana ma te reirei.

Taeka n Rabakau 13:14

Bon te koburake n ran ae a anga te maiu taian reirei aika a iangoaki raoi ao e na buokiko n rawea maium man taiani b'ai ni kam'ane aika a kamaamate.

Taeka n Rabakau 14:16

Bon ti te nanobaba ae e aki konaa n taratara raoi ma ngaia ae ko na rangi n taratara raoi ao kararoako man te kangaanga.

Taeka n Rabakau 16:17

E tuuki kawai aika a buakaka ana aomata te Atua, ao a kaawakiniia n tarataraa raoi kawaia are a nako iai.

Taeka n Rabakau 16:6

Ngkana ti tangira te Atua ma nanora ni koaua ao a na kab'araaki ara bure; ngkana ti kaota karineana, ao ti na kararoaira man te bure.

Taeka n Rabakau 3:7

Ko na tai iangoia n taai nako b'a ko rangi ni wanawana, ma ko na karinea te UEA ao kararoako man taian buakaka.

Taeka n Rabakau 8:13

Ngkana ko karinea te UEA, ao ko na ribaa te buakaka. I ribaa te kamoamoa ao te kainikatonga ao te kewe ni kam'aam'ane.

Taeka n Rabakau 9:10

Karinea ao ongotaeka iroun te UEA Boni moanan te wanawana aei. Ngkana e reke iroum te ataib'ai, ao ko riai n ataa te Atua are e Tabu.”

Te Minita 12:13

A konaa ni bootaki b'aai ni kabane akana ko reiakin n taeka aika ti tabeua aika: Karinea ao ongotaeka iroun te Atua! Bon anne raoi nanon te maiu.

Itaia 1:16

Tebokingkami ni kaitiakingkami! I a rangi n ribai ami m'akuri aika a buakaka. Ani katoka karaoan te kaairua.

Te Tua-Kaua 29:29

E a tia ni kaota ana Tua te UEA ae Atuara nakoira, ao ti na riai n ongotaeka iai n taai nako ma kanoara, ma bon iai naba b'aai aika E tuai kaoti nakoira.

2.Timoteo 2:19

Ma te aana ae matoatoa are ana aana te Atua e bon aki kona ni kam'aingaki; ao a koreaki i aona taeka aikai: “E bon ataiia ana aomata te Uea” ao “A na bane ni kitana te buakaka akana m'anewea aran te Uea.”

1.Betero 3:11

E na kitana te buakaka, ao e na kakaraoa ae e raoiroi; E na ukoukora te raoi, ao e na kekeiaki m'aaka nako iai.