Iobi 27:22 - Te B'aib'ara

²² e oroia te ang n aki manga nanoangaia ngke a tabe ni kakaai angaia ni birinako.

Iobi 27:22 ပူးပေါင်းရင်းမြစ်များ

Iobi 10:7

Ko bon ataia b'a I aki bure, ma antai temanna ae kona n tei i buku ni kaaitarako?

Iobi 11:20

Ma a na taratara nako aomata aika buakaka ni kakaea buokaia, ao a na kunea b'a bon akea te kawai are a na biri nako iai. Ti teuana aia kantaninga b'a kakantaningaan te mate.

Iobi 20:24

Ngkana e kataia ni biri nako n rawea maiuna man te kabaang are te biti, ao e na manga teke ma ni b'aka n te kaini katebe are te buraati.

Taian Areru 11:6

E na kab'aka te ai ma te bubu n ai ae korakora i aoia ake a bubuaka; ao E na katuuaia n te ang ae kabuebue.

Te Otinako 9:14

Bon aei te tai are N na aki ti katuaaia am mataniwi ma am aomata, ma N na bon katuaaeko naba, b'a ko aonga n ataia b'a bon akea ae ai arou n te aonnaba aei ni kabutaa.

Itaia 10:3

Ma tera ae kam nang karaoia ngkana kam buakanaki man katuaaeaki irouia ianena? Kam na biri ni kakaaea buokami ia? Kam na karabai ami b'ai aika a kakaawaki ia?

Ieremia 13:14

Ao N na kaaioroia i bon irouia kaanga taian tiaeki. N na bon aki nanoangaa ae e uarereke ma ae a kara, a na bane n tiringaki. Bon aei au taeka Ngai ae te UEA.

Etekiera 24:14

E na bon roko te tai anne! Ao ngkana e roko, N na bon aki manga nanoangaiia kaain Ierutarem ke ni bita nanou. A na riai ni katuaaeaki i bukin te buakaka are a tia ni karaoia. Bon aei au taeka Ngai ae te UEA ae te Atua.

Etekiera 5:11

E a tia ami bure aika a rangi n ribaaki ni karika au Tembora b'a te tabo ae e aki tau i bukin taromauriakiu. Ma ngaia ae, I tuea i bon i Rou b'a N na tannako mairoumi ao N na aki manga nanoangaingkami.

Amota 2:14

E na bon aki kona naba ni birinako te aomata ae birim'aaka. Ao e na bua naba korakoran te aomata ae ninikoria, ao ana bon aki kona naba n rawei maiuia taian tautia.

Iona 1:10

Ao e kaotia naba Iona b'a e birinako mairoun te UEA. Ao a maaku kaimoa ao a taku nakoina, “Ai kakamaakura te b'ai ae ko karaoia!”

I-Rom 8:32

Teuare aki taua ae bon Natina, ma E anga i bukira ni kabaneira, ao E na iranna n aki anganira b'aai n akoi ni kabane ma Ngaia?

Te Tua-Kaua 29:20

Ao E na rangi n un te UEA, ao E na aki kab'arai ami bure, ma E nang kaokoroingkami mai buakoia baronga ake tabeua. Ao i mwiina, E na kamateingkami ni kab'aka i aomi taian taeka ni kamaraia ni kabane ake n Ana Boki n Tua te Atua, ao ane e na mauna nako taekami n aki manga uringaki ni karokoa tokin aonnaba.

Te Tua-Kaua 32:23

N na karokoi taian kabuanib'ai aika bati aika a na ewari ngkami n aron te kainikatebe.

Iotua 10:11

Ngke a tabe ni birirake n te kawai are i Beta-oron tautian Amoraite, ngke a birinako mai i rouia aomatan Iteraera, ao e kab'aka te karau te atiibu aika a korakora te UEA i aoia ni karokoa rokoia i Ateka. A m'aiti taian Amoraite ake a mate n taian atiibu ake a b'aka nakoia ake a mate n aia kabaang aomatan Iteraera.

1.Tamuera 25:29

Ngkana iai ae e na buakaniko ao ni kataia n tiringko, ao E na kaawakiniko te Atua b'a ko na mano raoi, kaanga te aomata ae e kakaawakina te kaub'ai ae e kakaawaki. E na karenakoia am kairiribai nako te UEAkaanga te aomata ae e karenakoa te atiibu n te bana.