Iobi 27:14 - Te B'aib'ara

¹⁴ E ngae ngkana tao a karikiia natiia m'aane aika m'aiti, ma a na bane ni mate n te bo ni buaka; e na aki tau reken te am'arake ae a na kanna natiia.

Iobi 27:14 ပူးပေါင်းရင်းမြစ်များ

Etita 5:11

Ao e kamoaa nakoia n aron kaub'aina ma m'aitiia natina m'aane, ma aron te uea ngke e karikirakea nakoana, ma arona n rietaata riki nakoia raona n aobitia.

Iobi 15:22

Bon akea iangoan te kan otinako man te rotongitong i rouna, b'a bon tokina te mate i tabon te kabaang,

Iobi 18:19

Akea ana kariki, ao akea naba te nikira ni maiu i rouia kaain te auti are e mamaeka iai.

Iobi 20:10

Ao natina a na kaoki baike e kimoai tamaia mai rouia aika kainano.

Iobi 4:11

A na baki, ao ni uamaae nako natiia.

Taian Areru 109:10

A bia riki natina n aroia aomata aika aiwaa ni bububuti kanaia; ao ni maeka n auti aika aki tamaroa te tabo ae a urebekebeke autina!

Taian Areru 109:13

A bia bane ni mate ana kariki, ao e bia aki uringaki taekana n te roro ae na roko.

Ruka 23:29

B'a noria, ane a na roko boong ake a na kangai iai, “A a kab'aia akana kanoabo, ma biroto akana aki bung, ma mamma akana tuai ni kamammaia ataei!”

Te Tua-Kaua 28:32

Ao a na katikitikaki nako natimi m'aane ao natimi aine nakon aaba tabeua ngke kam bon tei n tarataraia ma n aki kona ni buokiia. Ao ngkana kam a manga kakaaeia n iangoa okiia, ao ane kam na manga matakii man aki manga kona n nooriia.

Te Tua-Kaua 28:41

Ao ane a na anaaki naba natimi m'aane aika uarereke ma natimi aine aika uarereke b'a taian taenikai n te buaka.

1.Tamuera 2:5

Aomata ngkoa ake a m'aiti kanaia a nang kabooi nako ngkai rab'ataia ti i bukin te m'akoro ni kariki. Ma Ko anganiia aika akea kanaia te am'arake ae moan te bati. Te aine ae akea natina, Ko anganna itiman natina, ma te aine ae m'aiti natina e tiku ma akea natina.