Iobi 25:3 - Te B'aib'ara

³ Iai ae kona ni warekia Ana anera ake a m'akuri i Rouna? Iai te tabo ae aki roko iai Ana oota te Atua?

Iobi 25:3 ပူးပေါင်းရင်းမြစ်များ

Iobi 16:13

A katobibiai ana taani katebe, ao e teke marakin nuukau n ana kanoa ni katebe. Bon akea Ana nanoanga, ao E katiinakoa ariu i aontano.

Iobi 25:4

Iai ae kona n raoiroi ke n itiaki i matan te Atua?

Itaia 40:26

Bon noora karawa n te tairiki! Antai ae e karaoi taian itoi? Antai ae e anganiia araia n tatabemaniia nako? Antai ae e kairiia kaanga te taanga ni buaka? E bon rangi ni korakora te UEA n te aro are bon akea mai buakon taian itoi aika bua.

Taniera 7:10

ao e raanga nako te ai mai iai. Ao iai ngaa n aomata aika a m'akuri i bukina, ao mirion aika a tei i matana. Ao e moanaki te kabowi ni motikitaeka, ao a kaukaki taiani boki.

Mataio 26:53

Ko taku b'a I aki kona ni butiia Tamau, ao E a kanakomaia ngkai naba taanga n anera aika raka m'aitiia i aon tengauni ma ua taanga?

Mataio 5:45

b'a kam aonga n riki b'a natin Tamami are i karawa iai; b'a E kaota ana taai i aoia akana buakaka ma akana babakanikawai.

Ioane 1:4

E mena mwin te maiu i rouna; ao ootaia aomata te maiu arei.

Ioane 1:9

Bon arei te Oota ni koaua, are E roko i aon te aba, ao E oota i aoia aomata ni kabaneia.

Iakobo 1:17

B'aai ni kabane aika raraoi ma ni moanibaan te raoiroi boni b'aai n tituaraoi mai eta, aika ruo mairoun Taman te oota, are akea i rouna te bibitaki are e na reke mai iai te nu ae roo.

Te Kaotioti 5:11

Ao I taratara nako ao I ongo b'anaaia anera aika bati aika katobibia te kaintokanuea ma b'anaaia baike a maiu ma unimm'aane; ao m'aitin te koraki arei tebubua te mirion ao nga ma nga;