Iobi 24:24 - Te B'aib'ara

²⁴ E rikirake kab'aian te aomata ae buakaka, ma e a manga rai n ai aron te uteute, kaanga ai aron te kai ae uangingi are a tia ni koreaki.

Iobi 24:24 ပူးပေါင်းရင်းမြစ်များ

Iobi 14:21

E ngae ngkana e a manga reke te karineaki i rouia natiia m'aane, ao bon akea naba te b'ai ae ataia ke ni kakeaki karineaia.

Iobi 20:5

ao bon akea te aomata ae buakaka ae e kukurei n te tai ae maan.

Iobi 21:13

A maiu i nanon te kukurei, ao a mate ma te rau n akea te maraki.

Iobi 21:33

ao nga ma nga aomata ake a ira te katiki n taunimate anne. A tararua ruanimatena, ao ai uana naba ma wakaan taian aroka, a aki roko i aon rab'ataia.

Iobi 8:22

Ma e na karokoa te kamamaaeaki i aoia aomata aika riribaiko, a na mauna nako aia auti aomata aika buakaka.

Taian Areru 37:10

E na aki rangi ni maan ao a na mauna mataia akana buakaka; ae ko na kakaeia ma ko na bon aki kona ni kuneia;

Taian Areru 73:19

A mate nabangkekei; A roko n tokiia ae kakamaaku.

Taian Areru 92:7

A kona n rikirake akana buakaka kanga ai aroia uteute, ao a maiu raoi; Ma ane a na kamaunaki n aki toki,

Iakobo 1:11

B'a e oti taai ma te ang ae kabuebue, ao e karaia te uteute; ao e b'aka ueena, ao e mauna tamaroana. Ao ai aron naba te aomata ae kaub'ai: e na rai i nanon ana tai ni wakina ana bitineti.