Iobi 23:12 - Te B'aib'ara

¹² I karaoi Ana mwioko ni kabane ake E tuangai b'a N na karaoi.

Iobi 23:12 ပူးပေါင်းရင်းမြစ်များ

Iobi 15:11

E anganiko kabebeteam te Atua; tera bukina b'a ko totokoia? Ti taetae i bukina n te aro ae rau, ma taian taeka?

Iobi 22:22

Butim'aai reirei ngkana E anga; kawakin Ana taeka i nanom.

Iobi 23:13

E aki kona ni bitaki; bon akea ae kona n rairia, ke ni katokia man karaoan te b'ai are E tangiria

Iobi 33:9

“I aki bure; I tuai karaoa te b'ai ae bure. Bon tiaki te tia bure ngai, ao bon akea te bure i Rou.

Iobi 6:10

Ngkana I ataia b'a E na karaoa aei, ao N na bon kibakibarake ni kukurei, I aki tabe ma korakoran marakiu. I ataia b'a E tabu te Atua; I bon tuai man kakaitarai Ana babaire.

Taian Areru 119:103

A karewerewe riki am Taeka aia karewe manibeeru!

Taian Areru 119:11

I kaaki am Taeka i nanou, b'a I aonga n aki bure nakoim.

Taian Areru 119:127

I tangiri riki am Tua nakon te koora, ae te koora ae moan te raoiroi.

Taian Areru 33:11

Ma a teimatoa n aki toki ana baire, Ao a aki kona ni bibitaki.

Taeka n Rabakau 30:8

Ko na karikai b'a te aomata ae e raoiroi ao ko na aki karikai b'a te aomata ae e rangi ni maiu ni kainano ke n rangini maiu ni kaub'ai. Ko na ti anganai baika I kainanoi.

Ieremia 15:16

I rangi n ongotaeka, ngke Ko taetae nako iu, i bukina ngke bon Am b'ai ngai, te UEA ae Moan te M'aaka.

Ruka 12:42

Ao E taku te Uea, Antai te touati ae kakaonimaki ae wanawana, are e na mwiokoaki iroun ana mataniwi b'a e na tararuaia ana toro, n angania kanaia ake a tia ni baireaki n taiia?

Ruka 12:46

ao teuare ana mataniwi te toro arei, e na roko n te bong ae e aki kantaningaia iai, ao n te aoa ae e aki ataia, ao e na korouaia ni kam'akorokoroa, ao e na kaakiia i rarikiia ake a aki kakaonimaki.

Ioane 4:32

Ma E taku nakoia, “Bon iai te am'arake irou ae N na kanna ae kam aki ataia.”

Ioane 4:34

E taku Iesu nakoia, “Kanau bon te ongeaba nakon nanon Teuare kanakomaiai, ao te katia ana m'akuri.

Ioane 8:31

E taku ngkanne Iesu nakoia I-Iutaia ake a kakoauaa, “Ngkana kam teimatoa n ongeaba nakon au taeka, ao bon au reirei ni koaua ngkami iai;

M'akuri 14:22

ni kakorakorai nanoia taan onimaki, ao ni buokiia b'a a na botum'aka n onimaki, ao a kaangai, “Ti riai n ri nanon rawawata aika bati b'a ti aonga n rin n Uean te Atua.”

1.Betero 2:2

ao kam na tangira te miriki ae itiaki ae b'ain te nano, n ai aroia merimeri aika tib'a bungiaki, b'a kam aonga n ikawai iai ao kam kamaiuaki;

1.Ioane 2:19

Kairiribai aikai a nako mai buakora, ma bon tiaki raora; b'a ngke arona b'a raora, ao a na bon tiku i roura. Ma a nako mai buakora, b'a a na kaotaki b'a tiaki raora ngaiia ni kabaneia.