Iobi 23:10 - Te B'aib'ara

¹⁰ Ma e ngae n anne, ao E atai m'anekau ni kabane te Atua; ao ngkana E kataai, ao E na bon kakoauaai b'a bon akea au bure.

Iobi 23:10 ပူးပေါင်းရင်းမြစ်များ

Karikani B'aai 18:19

I a tia n rineia n te aro b'a e na manga mwiokoia natina mm'aane, ma kanoana b'a a na ongotaeka irou ma ni kakaraoa te raoiroi ma te eti. Ngkana a karaoa aei, ao N na karaoi b'aai ni kabane ake I a tia ni berita iai.”

2.Tamuera 22:22

I karaoa te b'ai are Ko tangiria ao I aki roko n te rairaki nakon karaoan te buakaka.

2.Uea 20:3

Tai m'aninga te UEA are I a tia ni kakaonimaki nakoim. I a tia n ongotaeka iroum ma nanou ni kabane, ao I karaoi b'aai ni kabane ake Ko tuangai. Ao i mwiin arei ao e a tang ni korakai Etekia.

Iobi 10:7

Ko bon ataia b'a I aki bure, ma antai temanna ae kona n tei i buku ni kaaitarako?

Iobi 23:7

Ngkana e roko te tai arei, ao E na bon ongora ni ngurengureu ngkai bon te aomata ngai ae I b'ab'aina te eti; ao au tia motikitaeka ae te Atua, E na anganai te inaomata ae akea tokina, ao E na katanoataai b'a te aomata ngai ae akea ana bure.

Iobi 23:9

E a tia ni m'akuri te Atua i meang, ao i mainiku, ma I bon tuai naba man nooria.

Iobi 31:4

E atai b'aai ni kabane aika I karaoi te Atua, ao E atai naba rangatan waeu.

Iobi 31:6

Ke E katineai te Atua n te b'ai n tau rawawata ae koaua, ao E na noorai iai te Atua b'a bon te aomata ngai ae akea au bure.

Iobi 33:9

“I aki bure; I tuai karaoa te b'ai ae bure. Bon tiaki te tia bure ngai, ao bon akea te bure i Rou.

Iobi 6:29

Kam a rangi n tibanako. An tai manga taekini taeka aika aki raoiroi. Tai kabuakakaai, b'a I bon tei n te eti.

Iobi 7:18

Ko tutuoia n te ingabong koraki, ao Ko kakataia ni katoa miniti.

Taian Areru 1:6

A kairiiraki ma ni kawakinaki iroun te UEA aomata akana a raoiroi, ao aomata akana a buakaka a toua kawain te kabuanib'ai.

Taian Areru 11:5

E neneri aroia aomata aika raoiroi ma aika buakaka; ao E ribaia taani kakiriwe ma nanona ni koaua.

Taian Areru 17:3

Ko ataa nanou; Ko a tia ni kawarai n te bong; Ko a tia n nenera arou ao akea te nano ae buakaka irou. E a tia n au iango b'a n na bon aki tataekina te kewe.

Taian Areru 66:10

Te Atua, Ko a tia ni kataira b'a ti uara! Aron te tirewa ni kaitiakaki n te ai, ao ai bon arora naba ni kataaki b'a ti aonga n itiaki.

Taian Areru 7:9

Bon te Atua ae ko raoiroi ngkoe ae ko motiki taekan ara iango ma nanora. Katoki aia m'akuri aomata aika buakaka ao kakab'aiaia akana a kaakaraoa ae e raoiroi.

Taeka n Rabakau 17:3

E tuoaki te koora ma te tirewa n te ai ao a tuoaki nanora iroun te UEA.

Ieremia 12:3

Ma ko ataia te UEA, b'a e kaanga ngkoa aron au kakaonimaki, e ngae naba ngkana bon inanou. Ma ngaia are, Ko na katikitikiia nako au kairiribai ma n tiringnga kaanga te tiibu!

Tekaria 13:9

Ao i mwiina, N na kaitiakia ma ni karaoia b'a a na kataaki, kaanga te koora ma te tirewa ngkana a kaitiakaki ma n tuoaki. Ane a na tataro n arau, ao N na kaekaia. N na kaangai, “Au aomata ngkami,” ao a na kaeka ni kaangai, “Bon te UEA Ngkoe ae Atuara!”

Ioane 21:17

E a manga taku riki Iesu nakoina, “Timon, ae natin Ioane, ko tangirai?” E rawawata nanoni Betero ngke E katenua ana tai Iesu ni kaangai nakoina, “Ko tangirai?” Ao e taku nakoina, “Te Uea, Ko atai b'aai ni kabane; Ko ataai b'a I tangiriko.” E taku Iesu nakoina, “Kakaam'arakeia au tiibu.

1.I-Korinto 3:15

Ma ngkana e uruaki n te ai, ao a na bua ana b'ai, ma e na kamaiuaki ngaia, kaanga ai aron te aomata are reke maiuna mai buakon uran te ai.

Te Tua-Kaua 8:2

Kam na aki m'aninga aron te UEA ngke E kairingkami i nanon te rereua i nanon 40 te ririki aika a tia n nako. E tangiria ni kakoauaa b'a kam bon tangiria n ongotaeka nakoina ma ni mwiokoia,

2.Timoteo 2:19

Ma te aana ae matoatoa are ana aana te Atua e bon aki kona ni kam'aingaki; ao a koreaki i aona taeka aikai: “E bon ataiia ana aomata te Uea” ao “A na bane ni kitana te buakaka akana m'anewea aran te Uea.”

Ebera 11:17

I bukin ana onimaki Aberaam, ao e anga Itaaka b'a te karea ngke e kataaki. Teuare a atongaki taeka n akoi nako ina, e tauraoi n anga natina ae te rikitemanna b'a te karea;

Iakobo 1:12

E a kab'aia te aomata ae teimatoa i buakon te kaririaki; b'a ngkana e a tia ni kataaki, ao e na reke i rouna te bau are te maiu, are E atongnga te Uea b'a aia b'ai akana tangiria.

1.Betero 1:7

b'a e aonga n riki kataan ami onimaki, ae kakawaki riki nakon te koora ae kai mauna are e boni kataaki naba n te ai b'a ua ra, b'a kamoamoami ma neboami ma karineami ngkana E a manga oki Iesu Kristo,