Iobi 22:28 - Te B'aib'ara

²⁸ A na kokororaoi bukin b'aai ni kabane aika ko karaoi; ane na oota te oota i aon kawaim nako.

Iobi 22:28 ပူးပေါင်းရင်းမြစ်များ

Iobi 11:17

E na oota riki maium nakon ootan te tawanou, ao a na oota kaanga te kaarangaina aoan maium ake a rangi n rotongitong.

Iobi 29:3

Ngke e kakab'aiaai iai te Atua ni kaota Ana taura i aoni kawaiu. E kairirai Ana taura i buakon te roo.

Iobi 33:28

E kaawakinai b'a N na aki roko i abaia maate, ao ai ngaia ae a riki n teimatoa iai maiu.”

Taian Areru 1:3

Ti te bo ma te kai are e tei i rarikin te tabo n ran: e maiureirei ao e kariki uaana n ana tai n uaa, ao e aki rai baana. A bane ni materaoi baike e karaoi.

Taian Areru 112:4

Ai aron te oota ngaia ae oota n te roo i bukiia akana raoiroi; E b'ab'aina te nanoanga ma te ataataiaomata ma te eti.

Taian Areru 20:4

E na anganiko baika a mamate nanom iai ao ni kakoroi bukin am babaire nako.

Taian Areru 90:17

Te UEA ae Atuara, Ko na kakab'aiaira. Ko na katetekeraoira ni b'ai ni bane aika ti karaoi!

Taian Areru 97:11

E oota raoiroin te Atua b'a kanga ootan te taura i aoia ana Aomata aika raoiroi; Ao e karika te kim'areirei nakoia.

Taeka n Rabakau 4:18

Katein maiuia aomata aika a raoiroi kaanga ai aron ootan taai n te kaarangaina are e tabe n rikirake ootana ni karokoa e a boni ngaina raoi.

Itaia 30:21

E ngae ngkana kam rairaki nakon te angaatai ke te angamaing, ao kam na bon ongo naba te b'anaa ae e kaangai, “Aio te kawai! Kam na iria ngkai.”

B'aeb'aeti 3:37

Bon akea ae kona ni karaoa are e taku ngkana tiaki nanon te Atua.

Maraki 4:2

Ma ngkami aika kam karinea arau, e na oota i aomi te tokanikai kaanga taai ma buraenimata aika a uota te maiu, ao kam na kibakiba rake kaanga taian kao ataei aika a takaakaro.

Mataio 21:22

Ao te b'ai ane kam bubuti n te tataro, e na reke nako imi, ngkana iai ami onimaki.”

Ioane 8:12

E a manga taetae Iesu nakoia aomata, ao E taku, “Ngai te oota nakoia aomata i aonnaba. Ane irai, ao e na bon aki nakonako n te roo, ma e na reke i rouna te oota are na anganna te maiu.”

Iakobo 4:15

Ma te bae kam riai n atongnga, e kaangai, “Ngkana nanon te Uea, ao ti na maiu, ao ti na karaoa te baei ke te baerei.”